راحات اليەۆ ۆەنادا تۇتقىندالدى
اۆستريادا اليەۆتى تۇتقىنداۋعا وردەر 19 - مامىردا جازىلدى. اليەۆتىڭ وكىلى مانفرەد اينەدتەر اۆستريالىق «АРА» اگەنتتىگىنە ەكس- ديپلومات ەرىكتى تۇردە بەرىلگەنىن جانە قۇقىق قورعاۋ ورگاندارىمەن ىنتىماقتاسۋعا نيەتتى ەكەنىن حابارلادى.
ب ا ق سوڭعى كەزدەرى اليەۆ ءوزىنىڭ جاڭا ايەلىنىڭ تەگىنە جازىلىپ مالتادا تۇرىپ جاتقانىن حابارلادى.
بۇرىن قازاقستاننىڭ اۆسترياداعى ەلشىسى قىزمەتىن اتقارعان راحات اليەۆكە 2008 - جىلى وتانىندا بيلىكتى باسىپ الۋعا ارەكەت جاساعانى جانە ادامداردى بارىمتالاۋمەن اينالىسقان قىلمىستىق توپ قۇرعانى ءۇشىن جالپى كولەمى 40 جىلعا باس بوستاندىعىنان ايىرۋعا سىرتتاي ۇكىم شىعارىلعان بولاتىن. ۆەنا سوتى 2011 - جىلى اليەۆتى قازاقستانعا ەكستراداتسيالاۋعا باس تارتتى.
2014 - جىلى قاڭتاردا قازاقستان پروكۋراتۋراسى اليەۆكە جانە ۇلتتىق قاۋىپسىزدىك كوميتەتىنىڭ ەكس- باسشىسى ءالنۇر مۇسايەۆقا قارسى ولاردىڭ وپپوزيتسيونەر التىنبەك سارسەنبايەۆتى جانە ونىڭ جۇرگىزۋشىسى مەن كۇزەتشىسىن ءولتىرۋدى ۇيىمداستىرۋعا قاتىسىن تەكسەرۋ ماقساتىندا قىلمىستىق ءىس قوزعاۋعا ءوتىنىش بەردى.
