جارتاستاعى «ءتىرى» مۇسىندەر

 العاشقى ادامداردىڭ ءار ءتۇرلى ميفتىك اڭىز- اڭگىمەنى نەگىزگە الا وتىرىپ، قولىمەن جاساعان ونەر تۋىندىلارى سان- الۋان. بۇل ەسكەرتكىشتەر تاۋ باسىنداعى تاستارعا قاشالىپ جاسالعان.

كايلاس

ءۇندىستان مەملەكەتىندە ورنالاسقان كايلاس عيباداتحاناسى الەمدەگى ەڭ ءىرى عيباداتحانا رەتىندە مويىندالعان. شىندىعىندا، كايلاس شيۆا عيباداتحاناسىنىڭ 30 عيماراتىنىڭ ءبىرى عانا. عيباداتحانا ءوزىنىڭ ارحيتەكتۋرالىق قۇرىلىسىمەن ەرەكشەلەنەدى. ول جوعارىدان تومەن قاراي قازىلىپ جاسالعان. شامامەن ب. ز. ب. VIII عاسىردا تۇرعىزىلعان. عيباداتحانانى سالۋ بارسىندا 200 تونناعا جۋىق تاس قالدىعى سىرتقا شىعارىلعان.

لەشانداعى بۋددا ءمۇسىنى

قىتاي ەلىندە بۋددانىڭ ەسكەرتكىشتىك بەينەسى كوپ تارالعان. ال لەشانداعى بۋددا ءمۇسىنىنىڭ بىرەگەيلىگىنە كەلەتىن بولساق، ول تاستىڭ تىك بولۋىنا قاراماستان جۋان ەتىپ ويىلعان. اتالعان ءمۇسىننىڭ بيىكتىگى - 71 مەتر. ول ەمەيشان تاۋ شاتقالىندا، ءۇش وزەننىڭ تۇيىسكەن جەرىنەن ورىن تەپكەن جانە ەڭ باستىسى تۋريستەرگە قولايلى اۋداندا ورنالاسقان. بۇل ايماقتىڭ تابيعاتى تاماشا بولعاندىقتان، كەلۋشىلەر سانى تىم كوپ.

ەسىنەن اداسقان جىلقى مەموريالى

ا ق ش- تا ورنالاسقان ەسىنەن اداسقان جىلقى مەموريالى جارتاستىڭ وزىنە جاسالعان. بيىكتىگى - 172 مەتر. ول ايگىلى دجوردج ۆاشينگتون، توماس دجەففەرسون، تەودور رۋزۆەلت جانە اۆراام لينكولن اتتى پرەزيدەنتتەردىڭ قۇرمەتىنە سالىنعان «راشمور» (Mount Rushmore) تاۋىنداعى ەسكەرتكىشتەن 10 ەسە ۇلكەن. 1948 - جىلى سالىنا باستاعان مەموريالدىڭ قۇرىلىسى وسى كۇنگە دەيىن اياقتالعان جوق. تەك 1998 - جىلدىڭ وزىندە باس بولىگى عانا جوندەلىپ ۇلگەرگەن.

ماداين- ساليح

 وتە كونە تاريحي- ارحەولوگيالىق قالاعا تۋريستەر از كەلەدى. وسى جەردەن تابىلعان ەسكى جازۋ ۇلگىلەرى ب. ز. ب. 3- مىڭجىلدىققا تيەسىلى. بۇل جەر مۇسىلمانداردىڭ قۇران كىتابىندا بىرنەشە رەت اتالادى. ساۋد ارابيا جۇرتى ونى «قارعىس اتقان ايماق» دەيدى.

دەتسەبال

 داكيەۆ دەتسەبال پاتشا ريم يمپەرياسىنا ءجيى شابۋىلداۋشى رەتىندە كوزگە تۇسكەن. تاريحشى يوسيف كونستانتين دراگان دەتسەبال ەسكەرتكىشىن تۇرعىزۋعا شامامەن ءبىر ميلليون دوللار قارجىسىن جۇمساعان. قۇرىلىس جۇمىستارى 2004 - جىلى اياقتالعان. وعان 12 ءمۇسىنشى قاتىسىپ، 10 - جىل بويى تاپجىلماي جاساعان ەڭبەكتىڭ ارقاسىندا ءساتتى اياقتاپ، قولدانىسقا بەرگەن.

لاليبەلانانىڭ 12 شىركەۋى

 بۇل -  ەفيوپيا جەرىندە تاۋ جارتاسىندا ورىن العان قاسيەتتى عيمارات. ول عيماراتتى جەرگىلىكتى تۇرعىندار «لاليبەلانانىڭ 12 شىركەۋى» دەپ اتاپ كەتكەن. وسى لاليبەلانانىڭ 12 شىركەۋىنىڭ ىشىندەگى ەڭ تانىمالى -  Saint George. اتالعان عيمارات XIII عاسىردىڭ توڭىرەگىندە سالىنعان. شىركەۋدىڭ ولشەم بىرلىگى -  25*25*30 عا تەڭ.

   دايىنداعان: نۇربول نۇرماحانۇل

massaget 

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى