قاشاعانداعى اپاتقا بايلانىستى مۇناي ءوندىرۋ ۇلعايتىلىپ جاتىر

سەبەبى قاشاعاننان وندىرىلمەي قالعان مۇنايدىڭ ورنىن تولتىرۋ كەرەك. ايتپەسە، مۇنايدان تۇسكەن تابىستان بيۋدجەت ءبۇيىرىن تولتىرىپ وتىرعان ۇكىمەتكە قيىن تيگەلى وتىر. ال اپاتتان كوز اشپاعان قاشاعاننىڭ تۇرالاۋىنان قازاقستان بيىل جارتى پايىز ىشكى ءونىمنىڭ وسىمىنەن قاعىلادى. بۇل شامامەن 2 ميلليارد دوللار.

جوبانىڭ توقتاتىلۋىنان ەلىمىز 81,8 ميلليون توننا مۇناي وندىرىسىمەن 2014 - جىلعا جوسپارلاعان 83 ميلليون توننا مەجەسىنە جەتە الماۋ قاۋپىندە تۇر. بۇدان بۇرىن دوسايەۆ قاشاعانداعى جۇمىستاردىڭ تەجەلۋىنەن قازاقستان 2014 - جىلى جالپى ىشكى ءونىڭمنىڭ 0,5 پايىزىنان قاعىلۋى مۇمكىن دەگەن بولاتىن.

 قىرۋار قارجى بىردەن ۇلتتىق قورعا تۇسەتىنىن ەسكەرسەك، بۇل اجەپتاۋىر شىعىن. كەنىشكە مول ينۆەستيتسيا قۇيعان ا ق ش، ۇلى بريتانيا، فرانسيا مەن يتاليالىق الپاۋىت مۇناي كومپانيالارىنىڭ دا سالىنى سۋعا كەتكەن. ال جارىلعان تەڭىز استىنداعى 200 شاقىرىمعا سوزىلاتىن قۇبىر اۋىستىرۋ جۇمىستارىنىڭ ءوزى كەمى ءبىر جىلعا دەيىن جالعاسپاق. سوندىقتان ازىرشە قاشاعاننان قايىر بولمايىن دەپ تۇر.

«KTK» ارناسى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى