بەس جىل تۇتقىندا بولعان ا ق ش ساربازى بوساتىلدى
ا ق ش پرەزيدەنتى باراك وباما بەرگدالدىڭ تۋعان جەرىنە ورالۋىن وتانداستارى قۋانىشپەن كۇتىپ وتىرعانىن مالىمدەدى. 28 جاستاعى سەرجانتتىڭ تۇتقىننان بوساپ شىققانى تۋرالى ونىڭ اتا- اناسىنا پرەزيدەنتتىڭ ءوزى حابارلاعان.
اۋعانستاننىڭ شىعىسىنداعى پاكىستانمەن شەكارالاس ايماقتا بەرگدالدى قايتارىپ الۋ وپەراتسياسىنا ا ق ش ارنايى اسكەرىنىڭ ونداعان ساربازى قاتىسقان. رەسمي اقپارات بويىنشا، باگرامداعى اسكەري بازا اۋرۋحاناسىنا جەتكىزىلگەن سوڭ بەرگدالدىڭ دەنساۋلىعىن دارىگەرلەر تەكسەرەدى. ونىڭ دەنساۋلىق جاعدايى قالىپتى ەكەندىگى حابارلاندى.
ا ق ش سەرجانتىنا ايىرباستالعان گۋانتانامودا تۇتقىندا بولعان بەس ادام وسى ءىس بويىنشا كەلىسسوزدەردە اراعايىندىق جاساعان كاتار بيلىگىنە تاپسىرىلادى.
بوۋ بەرگدال وسى ۋاقىتقا دەيىن اۋعانستان تەرريتورياسىندا تاليبتەردىڭ تۇتقىنىندا قالىپ كەلگەن جالعىز ا ق ش ساربازى دەپ حابارلانعان. ونىڭ تۇتقىنعا قالاي تۇسكەنى وسى كۇنگە دەيىن بەلگىسىز. بۇعان «حاككاني» تەرروريستىك توبىنىڭ قاتىسى بار بولۋى مۇمكىن دەگەن بولجام بار.
«ازاتتىق»
