ەڭ جاس ميللياردەردىڭ قۇپياسى نەدە؟

1. ارمانداي ءبىلىڭىز

كوپ ادامدار مارك تسۋكەربەرگتى جولى بولعان ستۋدەنت دەپ بىلەدى. تاعى بىرەۋلەر ونىڭ "Facebook" الەۋمەتتىك جەلىسى سونشاما قارجى الىپ كەلەتىنىنە سەنە قويمايدى. شىندىعىندا بۇل پىكىرلەر دۇرىس ەمەس. ول ءبىر تۇندە ميللياردەر اتانعان جوق. ونىڭ اتاق پەن بايلىققا جەتۋى ءبىر ءتۇس سياقتى باستالعان. ول كىشكەنە جوبا ءۇشىن بارلىعىنان باس تارتۋعا دايىن بولدى. ناپولەون حيلل ايتقانداي: "ىقىلاس - بار تابىستىڭ باستاۋى". مارك تسۋكەربەرگ ءوز ويلاعانىن قىزىعۋشىلىقپەن جۇزەگە اسىرا ءبىلدى. ەگەر ءسىز مارك سەكىلدى اتاق پەن بايلىققا كەنەلگىڭىز كەلسە، ءوز ىقىلاسىڭىزعا جول بەرىڭىز.

2. اۋقىمدى ويلاڭىز

Facebook مارك تسۋكەربەرگتىڭ كومپيۋتەرىندەگى ءبىر جوبا عانا بولاتىن. ەگەر ول ءوزىنىڭ قالاۋى بولعاندا ونى الدەقاشان ساتىپ جىبەرگەن بولار ەدى. ول جەلىنى ساتۋدان باس تارتتى. سەبەبى ول Thefacebook-كە بەلگىلەنگەن سوماعا ەمەس، بولاشاقتا الەمدى ءدۇر سىلكىندىرەتىن جوباعا قىزىقتى. Facebook كىشكەنە باستاما بولعانىمەن، ماركتىڭ ماقساتى ۇلكەن بولدى. الدىمەن Facebook ءبىر ۋنيۆەرسيتەتتىڭ (گارۆارد) دەڭگەيىندەگى جوبا ەدى. سوسىن Yahoo كومپانياسى جەلىنى 1 ميلليون ا ق ش دوللارىنا باعالاعاندا، ول ميلليوندىق جوباعا اينالدى. دەگەنمەن، مارك ونى ميللياردتىق ساتىعا جەتكىزدى.

3. كىشكەنەدەن باستاڭىز

مارك تسۋكەربەرگتىڭ ۇلكەن ماقساتتارى مەن تاماشا جوسپارلارى بولاتىن. ول بۇكىل الەمدى وزىنە تارتاتىن ىقپالدى ويلاستىردى. ايتالاق، ول باسىندا كىشكەنتاي عانا جوبادان ءارى قاراي دامىدى. ميلليونداعان قارجىنى قامتيتىن كاپيتالدى كۇتپەي، ءوزىنىڭ ۋنيۆەرسيتەتتەگى جاتاقحاناسىنان، بار جوعى بىرنەشە مىڭ ا ق ش دوللارىمەن باستادى. ال ءقازىر ول الەمدەگى ەڭ جاس ميللياردەر اتانىپ وتىر. جوقتان باردى جاساۋ وڭايعا سوقپايدى، دەگەنمەن داڭققا اپارار جول بولارى حاق.

4. وزىڭىزگە دەگەن سەنىم

 وزىڭىزگە دەگەن سەنىم قوعاممەن جۇمىس ىستەۋ سالاسىندا ەڭ باستى قاسيەت بولىپ تابىلادى. بىرەۋگە سەنىم ارتىپ، ءسىز ەشقاشان ءساتتى بيزنەستى باستاي المايسىز. تومەنگە تۇڭىلمەستەن، العا باسىپ، قانشا ساتسىزدىكتەرگە تاپ بولساڭىز دا، العان بەتتەن ارتقا قايتپاۋ كەرەك. جوسپاردى ىسكە اسىرۋدا سوڭىنا دەيىن كۇرەسۋ كەرەك.

"سىزدەر ءالى جاسسىزدار جانە ونىمەن ماقتانۋعا تيىسسىزدەر. ءوز سەنىمدەرىڭىزگە تىرەك بولىڭىزدار" - تريپ حوكينس

5. قۇشتارلىقپەن العا باسىڭىز

نەمەن اينالىسقاندى ءجون كورەسىز؟ قالاۋىڭىزعا قارسى كەلمەيسىز بە؟ جۇمىسقا ورنالاساسىز با، الدە جۇمىس ورنىن اشاسىز با؟ مارك تسۋكەربەرگتىڭ جەتىستىگىن قايتالاۋ ءۇشىن سىزدە وسى سۇراقتارعا ناقتى جاۋاپ بولۋعا ءتيىس.

مارك جاستايىنان باعدارلامالاۋعا قىزىعاتىن. سول ەنتۋزيازممەن الەمنىڭ بەدەلدى ۋنيۆەرسيتىنە وقۋعا تۇسەدى. اركىم دە مارك تسۋكەربەرگكە قىزىعا قارايدى. دەگەنمەن، ماقساتىن جۇزەگە اسىرۋ ءۇشىن ونىڭ گارۆاردتان شىعىپ كەتكەنىن كوپ ادام بىلە بەرمەيدى. ۇلكەن تاڭداۋدا جاڭىلماۋ ميلليارد دوللارعا تارتاتىن بيزنەستىڭ كىلتى ەكەنىن ۇمىتپاۋىمىز كەرەك.

6. سىنعا دايىن بولىڭىز

"مەنىڭ ءوزىم ءتىرى كەزىمدە مەن تۋرالى كينو تۇسىرىلمەسە ەكەن دەپ تىلەيمىن" - مارك تسۋكەربەرگ

ءاربىر تابىستى كاسىپكەر سەكىلدى مارك تا وزىنە تيەسىلى سىندى الدى. سىن دا دامۋدىڭ ءبىر باسپالداعى بولعاندىقتان، ول ەشبىر تەرىس ارەكەتتەرگە بارمادى. سىننان سۇرىنبەۋگە تىرىستى. كەرىسىنشە، ول وعان دەمەۋ بولدى.

7. ۇقىپتى بولا ءبىلىڭىز

"مەنىڭ ويىمشا، ءبىزدىڭ قولىمىزدان كەلدى. جوسپاردان قالىپ نەمەسە اۋىتقىپ كەتكەن جەرىمىز جوق. ماڭىزدىسى تابىس الىپ كەلۋدە ەمەس، قوعامعا قولايلىلىق جاساي بىلۋدە. ءبىز تۋرا باعىتپەن ءوسىپ كەلەمىز" - مارك تسۋكەربەرگ.

بيزنەستە ۇقىپتىلىق وتە ماڭىزدى ءرول اتقارادى. ۇقىپتى ىسكەرلەر كىمدەرمەن قارىم- قاتىناستا بولىپ، كىمدەردەن اۋلاق بولۋدى جاقسى بىلەدى. جەتىستىككە جەتۋ ءۇشىن الدىمەن تەر توگۋ كەرەك. كەز- كەلگەن ادام ەڭ باسىندا ەكى قالتاسى تولعان تابىسقا بىردەن كەنەلمەگەن. ءاربىر ميللياردەر ءوز جولىندا قاجىرلى ەڭبەكتەنگەن. سول سەبەپتى ولار جەڭىسكە جەتتى.

8. الىپتارمەن باسەكەلەسۋدەن تايىنباڭىز

مارك تسۋكەربەرگ Facebook تى عالامتوردىڭ نەگىزگى ورتالىعىنا اينالدىرۋدى ماقسات ەتتى. ول Google-مەن باسەكەلەس بولۋعا دەيىن باردى. مارك عالامتور الىبىنان سەسكەندى مە؟ جاۋاپ: جوق. الىپتاردىڭ دا وسال جەرى بار ەمەس پە؟ تەك باتىلدىق تانىتا ءبىلۋ قاجەت. سەبەبى تاۋەكەلدى جەڭىسكە الىپ بارۋ ءۇشىن بيزنەستە دە ەر تۇلعانىڭ باتىلدىعى قاجەت.

9. ناقتى باعىتىڭىز بولسىن

"قانداي ماقساتپەن العا ۇمتىلساڭىز دا، ونىڭ بۇكىل الەمگە پايداسى تيەتىن بولسىن" - مارك تسۋكەربەرگ.

نە ءۇشىن Google Facebook-كە قارسى كەلمەدى. مارك وعان قارسى كەلە المايتىنداي ۇسىنىس جاسادى. مىنە، سول سەبەپتى ۋوررەن باففەت، بيلل گەيتس جانە ەندريۋ كارنەگي سەكىلدى بيزنەستىڭ الىپتارى باعىتتى ماڭىزدى دەپ ءبىلدى. ەڭبەكتىڭ ناتيجەسى ەڭ تومەن دارەجەنى كورسەتسە دە، ول ءبىر ارەكەتتىڭ ەسەبىنەن بولادى. دەمەك، ۇدەرىس بار.

"ەنەرگيا، وي جانە كاپيتالىڭدى بىرىكتىرە ءبىل" - ەندريۋ كارنەگي

10. تاۋەكەلگە بارۋدى ۇيرەنىڭىز

"عالامدىق ۇدەرىس بارىسىندا، تاۋەكەلگە بارعىسى كەلمەيتىن ادامدار - ناعىز تاۋەكەلباستى ادامدار" - روبەرت كييوساكي

تاۋەكەلگە باس ۇرماعان كاسىپكەر ءساتتى بيزنەسپەن اينالىسا المايدى. مارك تسۋكەربەرگ تە تاۋەكەلدىڭ اتتاۋىنان ءوتتى. مارك Facebook جەلىسىن دامىتۋ ءۇشىن وقۋدان كەتىپ، تاۋەكەلگە باردى. Google-عا قارسى كەلىپ، تاۋەكەلگە باردى. دەمەك، تاۋەكەلسىز ۇلكەن ءدۇمپۋ ورىن المايدى ەكەن.

massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى