شىمكەنتتە وزگە ۇلت وكىلدەرى اراسىندا «باۋىرجان وقۋلارى» بايقاۋى ءوتتى
«ەر ەلدىكى بولماسا» دەپ اتالاتىن بولىمدە داڭقتى باتىردىڭ شىعارمالارى ساحنالانسا، «ادال ۇل ەر بوپ تۋسا - ەل تىرەگى» بولىمىندە قاتىسۋشىلار وزدەرى جازعان شىعارمالارىن وقيدى.
ال «ەل دەگەندە ەمىرەنىپ» اتالىمىندا باۋىرجان مومىش ۇلىنىڭ پروزالىق جانە پوەزيالىق تۋىندىلارى مانەرلەپ وقىلدى. وزبەك، تاجىك، ورىس ۇلتىنىڭ وكىلدەرى وزدەرىن تولعاندىرعان ماسەلەلەردى قازاق باتىرىنىڭ شىعارمالارى ارقىلى قاۋزادى. تۋعان جەر، قازاق ءتىلىنىڭ احۋالى ەرلىك سياقتى تاقىرىپتار كوتەرىلدى. بارلىق جەڭىمپازدار باعالى سىيلىقتارمەن ماراپاتتالدى.
