تولىققاندى يسلامدىق قارجىلاندىرۋ جۇيەسىن قۇرۋعا باعىتتالعان زاڭ جوباسى ماقۇلداندى - ءماجىلىس
اتالعان زاڭ جوباسىنىڭ ماقساتى يسلامدىق ساقتاندىرۋدى ەنگىزۋ، يسلام بانكتەرىنىڭ قىزمەتىنە ەداۋىر قولايلى جاعدايلار جاساۋ، ساقتاندىرۋ تولەمدەرىنە كەپىلدىك بەرۋ جۇيەسىنىڭ تۇراقتىلىعى مەن قارجىلىق ورتالىعىن قامتاماسىز ەتۋ بولىپ تابىلادى.
وسىمەن قاتار، زاڭ جوباسىمەن قىزمەتكەردى ەڭبەك مىندەتتەرىن ورىنداۋ كەزىندە جازاتايىم وقيعالاردان مىندەتتى ساقتاندىرۋ جولىمەن قازاقستاندا تولىققاندى يسلامدىق قارجىلاندىرۋ جۇيەسىن قۇرۋ قاراستىرىلادى.
«زاڭ جوباسىمەن يسلامدىق قارجىلاندىرۋ جۇيەسىن ودان ءارى دامىتۋ ءۇشىن يسلامدىق ساقتاندىرۋدى ەنگىزۋ قاراستىرىلىپ وتىر. ادەتتەگى ساقتاندىرۋ يسلامنىڭ ساقتاندىرۋ قاعيداتتارىنا قايشى كەلەتىنى ايقىن. بۇل يسلامدىق قارجى جۇيەسىنىڭ قاتىسۋشىلارىنىڭ تاۋەكەلدەرىن جابۋعا مۇمكىندىك بەرمەيدى. وسىعان بايلانىستى قۇجاتتا يسلامدىق قارجىلاندىرۋدىڭ نەگىزگى قاعيداتتارىن زاڭ دەڭگەيىندە بەكىتۋ جانە يسلامدىق ساقتاندىرۋدى ىنتالاندىرۋ ۇسىنىلادى» ، - دەيدى ق ر ۇلتتىق بانكى ءتوراعاسىنىڭ ورىنباسارى دانيار اقىشيەۆ.
اۆتور: قانات مامەتقازى ۇلى
