قازاقستان تۇركىمەنستان - يران تەمىرجول جەلىسى ايماقتىق ساۋدا- ەكونوميكالىق ىنتىماقتاستىقتى كۇشەيتەدى - ە. دوسايەۆ
بۇل تۋرالى ق ر ە ب ج م باسپا ءسوز قىزمەتىنەن حابارلادى.
«كوپتەگەن وڭىرلىك جانە حالىقارالىق ماسەلەلەر، ەنەرگەتيكالىق قاۋىپسىزدىك، ەكونوميكالىق ارەكەتتەسۋى بويىنشا استانا مەن تەگەراننىڭ مۇددەلەرى تۇيىسەدى» ، - دەپ اتاپ ءوتتى جۇزدەسۋ بارىسىندا ەربولات دوسايەۆ.
يران مەن قازاقستاننىڭ ەكى جاقتى ىنتىماقتاستىعى عانا ەمەس، سونىمەن قوسا وڭىرلىك ساۋدا- ەكونوميكاداعى بايلانىسى دا كۇشەيۋدە. ال قازاقستان- تۇركىمەنستان- يران («جاڭاوزەن - قىزىلقيا - بەرەكەت - ەترەك - گورگان» ) تەمىرجول جەلىسى باعدارىنىڭ پايدالانۋعا بەرىلۋى ءوڭىردىڭ كولىك- كوممۋنيكاتسيالىق جۇيەسىنىڭ تيىمدىلىگىن بىرنەشە ەسەگە ارتتىرادى.
يران تەمىرجولىنىڭ قۇرىلىس جۇمىستارى اياقتالدى. يران- تۇركىمەن شەكاراسىنداعى «ينچە- بۋرۋن» شەكارا بويىنداعى ستانسانىڭ قۇرىلىسى جۇرگىزىلۋدە.
تۇركىمەن تاراپى ءوز اۋماعىنداعى قۇرىلىسىن 2014 - جىلدىڭ قازان ايىنا تامان اياقتاۋدى جوسپارلاپ وتىر.
سونداي- اق كەزدەسۋ بارىسىندا ەربولات دوسايەۆ پەن ءالي تايەبنيا ساۋدا- ەكونوميكالىق ىنتىماقتاستىق ماسەلەلەرىن تالقىلادى.
ق ر ەكونوميكا جانە بيۋدجەتتىك جوسپارلاۋ ءمينيسترى قازاقستان- يران قارىم- قاتىناستارىنىڭ قازىرگى جاعدايى مەن بولاشاعى تۇراقتى قالىپتا ساقتالاتىنىڭ اتاپ ءوتتى.
2013 - جىلدىڭ قورىتىندىسى بويىنشا قازاقستان مەن يراننىڭ ساۋدا اينالىمى 620,6 ميلليون ا ق ش دوللارىن قۇرادى.
