ازيا مەملەكەتتەرى بارىنشا قۋاتتى بولۋى ءتيىس - مالايزيا پرەمەر-ءمينيسترى

بۇگىن VII استانا ەكونوميكالىق فورۋمى مەن داعدارىسقا قارسى II دۇنيەجۇزىلىك كونفەرەنتسياسىنىڭ جالپى وتىرىسىندا مالايزيانىڭ پرەمەر-ءمينيسترى داتو سري موحد نادجيپ تۋن ابدۋل رازاك وسىلاي دەدى.

«مەنىڭشە ازيا مەملەكەتتەرى بارىنشا قۋاتتى بولا ءتۇسۋى ءتيىس. سايكەسىنشە، ءوزىنىڭ ەكونوميكالىق بايلانىستارىن وڭىردە، سونىمەن قاتار قازاقستان، بەلارۋس جانە رەسەي اراسىنداعى ەۋرازيالىق ەكونوميكالىق وداق سىندى جاڭا نارىقتاردى قوسا العاندا ودان تىسقارى اۋماقتاردا دا نىعايتا ءتۇسۋى ءتيىس. بۇل ەكونوميكالىق ينتەگراتسيالىق بىرلەستىك ميلليونداعان ادامدى بىرىكتىرىپ وتىر»، - دەدى ول.

مالايزيا پرەمەر-ءمينيسترىنىڭ اتاپ وتۋىنشە، بۇدان بولەك ازيا اۋماعىندا قۇرىلىپ جاتقان وزگە دە نارىقتار بار. دەگەنمەن ولار كوپ جاعدايدا تەڭسىزدىككە ۇشىراۋى مۇمكىن.

«ءبىز ازيانى گۇلدەندىرە ءتۇسۋ ءۇشىن ەكونوميكانى ءارتاراپتاندىرۋ قاجەتتىگىن جەتە تۇسىنەمىز ءارى تەڭسىزدىكپەن بىرلەسە كۇرەسۋگە ءتيىستىمىز. ال تاۋەكەلدەردى باسقارۋ ءۇشىن ءبىز رەفورمالاردىڭ يننوۆاتسيالىق قارجى سەكتورىنداعى يننوۆاتسيالارمەن ساي كەلەتىندىگىنە كوز جەتكىزۋىمىز قاجەت»، - دەدى ن. رازاك.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى