مەكسيكا كەلەسى جىلى استانادا ءوز ەلشىلىگىن اشپاق
بۇل تۋرالى مەكسيكانىڭ تۇركياداعى ەلشىسى جانە قازاقستانداعى ەلشى قىزمەتىن قوسا اتقارۋشى مارتا ەلەنا فەدەريكا بارسەنا كوكيۋ قازاقستاندىق دەلەگاتسيامەن كەزدەسۋى بارىسىندا ءمالىم ەتتى، دەپ حابارلادى ق ر يندۋستريا جانە جاڭا تەحنولوگيالار مينيسترلىگى تۋريزم يندۋسترياسى كوميتەتىنىڭ باسپاءسوز قىزمەتىنەن.
«ەلشى حانىم 2015-جىلى استانادا مەكسيكا ەلشىلىگىن اشۋ جوسپارلانىپ وتىرعاندىعىن ايتتى. سونىمەن بىرگە 2014-جىلدىڭ سوڭىنا دەيىن مەكسيكادا قازاقستان ەلشىلىگىن اشۋ جوسپارلانۋدا»، - دەلىنگەن حابارلامادا.
كەزدەسۋ بارىسىندا تاراپتار ەكسپو-2017 حالىقارالىق كورمەسىن وتكىزۋدە ودان ارى ىنتىماقتاسۋ جانە ءوزارا ءىس-قيمىلداردى جانداندىرۋ تۋراسىندا ۋاعدالاستىققا كەلدى.
ايتا كەتەيىك، قازاقستان مەن مەكسيكا اراسىنداعى ديپلوماتيالىق قارىم-قاتىناس 1992-جىلى ورناتىلعان بولاتىن.
اۆتور: مارلان جيەمباي
