ءومىر دەگەن وسى
ول ونى وتە قاتتى جاقسى كورەتىن. حابارلاما بويىنشا ساتىپ الۋ ءۇشىن ءبىر كوللەكسيونەر ادام كەلدى.
كولىكتى تۇتاس كورىپ شىققان ول اكەمنەن نەگە ساتىپ جاتقانىن سۇرادى.
اكەم ساتىپ الۋشىعا سەبەبىن ايتىپ ءتۇسىندىردى. كوللەكسيونەر اكەلگەن اقىسىن اكەمنىڭ قولىنا ۇستاتتى دا، كولىگىمدە ءبىر زات قالىپ كەتىپتى دەپ سىرتقا بەتتەدى. سول كۇيى ماشيناسىنا وتىردى دا كەتىپ قالدى. اكەم كولىگىن وسىلاي ساتپاي قالدى.
2. كىشكەنتاي كۇنىمدە انام مەنى ۇيىقتاتار كەزدە ادەمى ءبىر اۋەندى ايتاتىن. جاسىم ون سەگىزگە كەلگەندە انام وبىرمەن اۋىرىپ اۋرۋحانادا جاتقاندا مەن كۇندە جانىنا بارىپ قونىپ ءجۇردىم.
ەندى مەن وعان وسى ءاندى ايتىپ بەرىپ ءجۇردىم. انام ومىردەن قايتقالى كوپ ۋاقىت ءوتتى. بۇگىن مەنىڭ جىگىتىم بەتىمە قاراپ وتىردى دا، ءدال وسى ءاندى ايتىپ بەردى. بۇل ءاندى قايدان بىلەسىڭ دەدىم دەگبىرسىزدەنىپ، انام بالا كۇنىمدە ايتىپ بەرەتىن دەدى. مەن باقىتتىمىن!
3. بۇگىن سۋپەرماركەتتە ءبىر قىزىق كوردىم. جاس جىگىت ەكى سىي كارتاسىن جۇمسادى. ول بىرنەشە بەينە ويىن ساتىپ الدى. ساتۋشى تاعى دا 12 دوللارىڭ قالدى دەدى. ول قايتىپ دۇكەن ارالاپ كەتتى.
10 دوللاردىڭ ءبىر شوق گۇلىن الىپ كەلدى دە، كارتوچكاسىمەن ەسەپ ايىرىستى. گۇلدى ساتۋشىعا سىيلادى دا، جونىمەن كەتە باردى. ساتۋشى ءماز بولعانى سونشا، كوپكە دەيىن ىرجيىپ وتىردى.
4. بۇگىن اكەم كىشى ءسىڭلىمدى تاۋىپ اكەلدى. ول ونى قالانىڭ سىرتىنداعى ەسكى قورادا كىسەندەلىپ وتىرعان جەرىنەن تاۋىپتى. ءسىڭلىمدى وسىدان بەس اي بۇرىن ۇرلاپ اكەتكەن ەدى. ءىز كەسۋشىلەر ەندىگى تىرىلەر قاتارىندا ەمەس دەپ ىزدەۋدى دوعارعان. ءۇمىت ۇزىلگەن ەدى. ءتىپتى جانازاسىن دا شىعارتتىق. جانازاعا بار تۋىس جينالدى. تەك اكەم كەلمەدى. ول ءسىڭلىمدى تابامىن دەپ انت ەتتى. ءسىڭلىم تەك اكەمنىڭ كوزسىز سەنىمىنىڭ ارقاسىندا عانا ءتىرى قالعانداي.
5. ءبىزدىڭ كەڭسەنى ون جىل بويى ءبىر عانا ادام جيناستىرعان ەدى. ول بىزبەن بىرگە بارلىق قيىندىق پەن جاقسىلىقتى ءبولىسىپ كەلەدى. بۇگىن ونىڭ تۋعان كۇنى. ءار قىزمەتكەر وزدىگىنشە سىيلىق جاسادى. ال، باسشىلىق ەڭبەگىن ەلەپ، وعان 25,000 دوللار سىياقى تاعايىنداپ، ونىڭ قۇرمەتىنە كەرەمەت كەش ۇيىمداستىردى.
6. بۇگىن 1996 - جىلدىڭ 2 - قىركۇيەگىندە جازعان حاتىمدى تاۋىپ الدىم. مەن ونى اجال اۋزىندا وتىرىپ جازىپ ەدىم. ەكى مينۋتتان سوڭ ءجىپتى ۇزەيىن دەپ تۇرعاندا سۇيىكتىم قوڭىراۋ شالىپ، جۇكتى ەكەنىن حابارلادى. ول كەزدە بۇل حابار مەنى و دۇنيەدەن ساقتاپ قالعان جالعىز عانا سەبەپ بولعان. ءبىز ۇيلەنىپ، بالالى بولدىق. باقىتتىمىز. كەيدە وسى حاتتى وقىپ وتىرىپ، وتكەن كۇندى ەسكە الام. شەشىمى جوق قيىندىق بولمايدى، اللاعا ماعان ەكىنشى رەت مۇمكىندىك بەرگەنى ءۇشىن تاۋبە دەيمىن.
7. بۇگىن مەترودا كەلە جاتىپ، كوڭىل كۇيىم ناشار بولدى. سوڭعى كەزدە تولىسىپ كەتتىم. جۇمىستا ءماز ەمەس. جەكە ومىرىمدە تىعىرىققا تىرەلدى. جانىما ءبىر ايەل وتىردى دا: «سەن وتە ادەمىسىڭ، ەش نارسەنى كوڭىلىڭە الما، ءبارى جاقسى بولادى» دەدى. كوڭىل كۇيىم كۇرت جاقسارىپ سالا بەردى. جامان ويدىڭ بارىنەن ءاپ-ساتتە اداسىپ قالدىم.
8. بۇگىن جاعاجايدا قىدىرىپ ءجۇرىپ، سەگىز جىل بويى كەزدەسپەگەن سىنىپتاسىمدى جولىقتىردىم. اكەسى اسكەري ادام بولعان سوڭ ولار ۇنەمى كوشىپ جۇرەتىن. باياعىدا ءبىر كەش ءۇشىن ارنايى تۇردە ەكەۋمىز بىردەي مايكا ساتىپ العانبىز. مەن ونى الىستان تانىدىم. ويتكەنى، ول ۇستىنە سول مايكانى كيىپ الىپتى. قىزىعى، مەندە جىلدار بويى ساقتاپ جۇرگەن سول مايكامدى بۇگىن كيىپ شىققانمىن. ەكەۋمىز تاڭ اتقاننان كەش باتقانشا بىرگە ۋاقىت وتكىزدىك. تۋرا باياعى بالالىق شاقتاعىداي كوڭىلدى كۇن بولدى.
9. بۇگىن مەنىڭ ۇلىم 7 جاسقا تولدى. ال، مەن نەبارى 23 جاستامىن. جاسىم 16 بولعاندا بوساندىم ونى. اياعىم اۋىر بولعانىن بىلگەندە، كوپ ويلاندىم. مەن ونى وسىرە الام با دەپ ۋايىمدادىم. بۇگىن ساياباقتا بالام ءبىر قىزبەن ۇزاق وينادى. كىشكەنتاي قىزدىڭ بەتى تىرتىق-تىرتىق ەكەن. ال، ۇيگە كەتىپ بارا جاتقانىمىزدا بالام ماعان، «ول سونداي ادەمى» دەدى. مەن جەتى جىل بۇرىن دۇرىس شەشىم قابىلداعانىما قۋاندىم.
10. كىشكەنتايىم مەنى قاتتى قۇشاقتاپ تۇرىپ: «سەن الەمدەگى ەڭ كەرەمەت اناسىڭ!» دەدى. سوندا مەن ودان: «ونى قالاي ءبىلدىڭ؟ الەمدەگى انالاردىڭ ءبارىن بىلەمىسىڭ؟»، دەپ سۇرادىم. ول ماعان: «ءيا، سەن مەن ءۇشىن بۇكىل الەمسىڭ!» دەپ جاۋاپ بەردى.
جەلىدەن الىندى. اۋدارعان ءوزىم.
