حالىقارالىق كينوفەستيۆالدە «باۋىرجان مومىش ۇلى» فيلمى جەڭىمپاز اتاندى
وتان سوعىسىنداعى ەرلىكتى دارىپتەۋ ماقساتىندا وتكىزىلىپ كەلە جاتقان حالىقارالىق كينوفەستيۆال ءۇشىن وسى جىل ەرەكشە.
الدىمەن كينوفەستيۆال بيىل 10-رەت شىمىلدىعىن اشسا، باتىر قالا اتانعان سەۆاستوپولدىڭ نەمىس فاشيستەرىنەن ازات ەتىلگەنىنە 70 جىل تولدى.
بيىل بايقاۋعا ت م د جانە الىس-جاقىن شەت ەلدەردەن بارلىعى 134 تاپسىرىس ءتۇسىپتى. ساراپشىلار كەڭەسى سونىڭ ىشىنەن 65 فيلم مەن تەلەباعدارلامانى ىرىكتەپ العان. جەڭىستىڭ 70 جىلدىعى قارساڭىندا وسى تاقىرىپقا تۇسىرىلگەن كينوتۋىندىلاردىڭ سايىسى 10 اتالىم بويىنشا باسەكەگە ءتۇستى.
باس جۇلدە سەۆاستوپول قورعاۋشىلارىنا ارنالعان رەسەيلىك «35-جاعالاۋ باتارەياسىنىڭ قۇپياسى» فيلمىنە بۇيىرسا، بەلگىلى مادەنيەت جانە ونەر قايراتكەرلەرىنەن قۇرالعان حالىقارالىق قازىلار توبى «باۋىرجان مومىش ۇلى» فيلمىن «ماسكەۋ قورعاۋشىلارى» اتالىمىندا ۇزدىك دەپ تانىدى.
ايتا كەتەيىك، «باۋىرجان مومىش ۇلى» فيلمى الەكساندر بەكتىڭ «ۆولوكولام تاس جولى» تۋىندىسى بويىنشا قازاقتىڭ قايسار ۇلى، باتىر اتامىز باۋىرجان مومىش ۇلىنىڭ ەرلىگى تۋرالى تۇسىرىلگەن بولاتىن. بەلگىلى رەجيسسەر احان ساتايەۆتىڭ بۇل تۋىندىسى جۋىردا عانا ۇلى جەڭىس كۇنى قارساڭىندا الماتى مەن استانا كينوتەتارلارىندا سوعىس ارداگەرلەرى مەن تىل ەڭبەككەرلەرىنە كورسەتىلىپ، كوپتىڭ ىقىلاسىنا بولەندى.
«باۋىرجان مومىش ۇلى» فيلمىنىڭ حالىقارالىق دودادا جەڭىسكە جەتۋى - قازاقتىڭ قانىمەن سىڭگەن قايسارلىق پەن توزىمدىلىكتىڭ مويىندالۋى»، - دەيدى كينوتۋىندى اۆتورلارى.
lite.bnews.kz
