مەملەكەتتىك ەمتيحاننان وتە الماعاندار قانداي وقۋعا ءتۇسۋى مۇمكىن؟
«ۇ ب ت-نى تاپسىرا الماسام، نە ىستەيمىن؟ » جانە «ۇ ب ت-نىڭ كومەگىنسىز ج و و-عا قالاي تۇسۋگە بولادى؟ ».
تومەندەگى مالىمەتتەر وقۋشىلاردىڭ وسى سۇراعىنا جاۋاپ بەرۋگە كومەكتەسەدى.
ۇ ب ت، گرانت ءبولۋ ەرەجەسىنە سايكەس تالاپكەردىڭ قولىندا ج و و-عا ءتۇسۋ ءۇشىن مىندەتتى تۇردە 2014 - جىلى ۇبت تاپسىرعاندىعى جونىندە سەرتيفيكاتى بولۋى ءتيىس.
2014 - جىلى ۇ ب ت تاپسىرماعان نەمەسە ءوتۋ بالىن جيناي الماعان تۇلەك قازاقستان رەسپۋبليكاسىنىڭ مەملەكەتتىك ج و و-لارىنا تۇسە المايدى.
ءبىراق ۇ ب ت سەرتيفيكاتى مەن ءوتۋ بالىن تەك مەملەكەتتىك مەكەمەلەر عانا تالاپ ەتەدى. ال ءبىزدىڭ شەكارامىزداعى شەتەلدىك ۋنيۆەرسيتەتتەر مەن جەكەمەنشىك وقۋ ورىندارى تالاپكەرگە ءوز ەرەجەسىن ۇسىنادى.
ياعني سانكت-پەتەربۋرگ پروفسويۋز گۋمانيتارلىق ۋنيۆەرسيتەتىنىڭ الماتىداعى فيليالىنا، ءدال وسىنداي قىتاي ۋنيۆەرسيتەتىنىڭ ەلىمىزدەگى بولىمدەرىنە تۇسۋىنە بولادى.
مۇنىمەن قاتار ماسكەۋ ۋنيۆەرسيتەتى مەن بايقونىرداعى رەسەيلىك ۋنيۆەرسيتەت بولىمىنە تاپسىرا الادى. وسى سەكىلدى ۋنيۆەرسيتەتتەردىڭ بارلىعىن اتاپ ءوتۋ مۇمكىن ەمەس. سوندىقتان ۇ ب ت تاپسىرا الماعان جاعدايدا جەكەمەنشىك نەمەسە شەتەلدەگى وقۋ ورىندارىن تاڭداعانىڭىز ءجون.
11-سىنىپتا ۇ ب ت-عا لوگيكالىق دايىندىقتى جوعارىلاتا ءتۇسۋ كەرەك. ول ءۇشىن ۇ ب ت 5+ تەست جيناعىن ساتىپ الىڭىز.
ال ەندى وسى وقۋ ورىندارىنا گرانتقا تۇسۋگە بولا ما؟ وسى سۇراققا جاۋاپ بەرىپ كورەيىك. تۇسۋگە بولادى. بۇل ج و و-لاردى ءبىزدىڭ مەملەكەتىمىز قارجىلاندىرمايتىندىقتان، گرانتتى ۇلەستىرۋ ماسەلەسىن تەك وزدەرى شەشەدى. كوپ جاعدايدا مۇنداي وقۋلار اقىلى.
ءبىراق شىنايى ءبىلىمى بار ستۋدەنتتەردى ىزدەيتىن مەكەمەلەر دە جوق ەمەس.
سونداي مەكەمەنىڭ ءبىرى - «رەسەي كاپيتاندارى وقۋ باعدارلاماسى» . بۇل باعدارلاما گرانتقا تۇسۋگە ۇلكەن مۇمكىندىك بەرەدى. ال ەگەر تەك مەملەكەتتىك وقۋ ورىندارىنا تۇسكىڭىز كەلسە، كوللەدجدى تاڭداۋىڭىزعا بولادى. مۇنىمەن قاتار ەلىمىزدەگى وقۋ ورىندارىمەن سالىستىرعاندا شەتەلدىك ءبىلىم وردالارىندا، اسىرەسە، قىتايدا وقۋدىڭ ارزان ەكەندىگىن ايتامىز.
قازاق اتامىز «بىلەكتى ءبىردى جىعادى، ءبىلىمدى مىڭدى جىعادى» دەپ بەكەر ايتپاعان. بۇگىنگى الىپ جۇرگەن ءبىلىمىمىز - ەرتەڭگى بولاشاعىمىز! ولاي بولسا، ساتتىلىك تىلەيمىز!
ماقالا massaget.kz سايتىنان الىنعان
