قىتاي ازيا ەلدەرى ارنايى قىزمەتتەر فورۋمى مەن جىلدام ارەكەت ەتۋ ورتالىعىن قۇرۋدى ۇسىندى

 ولاردىڭ قاتارىن ق ح ر ءتوراعاسى شي جينپيڭ اتالعان حالىقارالىق ۇيىمنىڭ 4-  سامميتىنىڭ ءبىرىنشى سەسسياسىندا سويلەگەن سوزىندە جاريالادى.

« قىتاي تاراپى بۇكىل ازيانى قامتيتىن ا ءو س ش ك- ءنى قاۋىپسىزدىك بويىنشا ىنتىماقتاستىق پەن پىكىر الماسۋ الاڭىنا اينالدىرۋدى ۇسىنادى جانە سونىڭ نەگىزىندە ايماقتىق قاۋىپسىزدىك پەن ىنتىماقتاستىقتىڭ جاڭا ارحيتەكتۋراسىن ازىرلەۋدە  » ، -  دەدى ول.

ول ا ءو س ش ك- عا مۇشە ەلدەردىڭ سىرتقى ىستەر مينيسترلەرىنىڭ وتىرىسىن ءجيى ۇيىمداستىرۋدى، ونىڭ حاتشىلىعىنىڭ قىزمەتىن كەڭەيتۋدى، فورۋم اياسىندا قورعانىس سالاسىنداعى كونسۋلتاتسيا مەحانيزمىن قۇرۋدى، بارلىق 5 سالا بويىنشا (ەكونوميكالىق، ەكولوگيالىق، گۋمانيتارلىق، اسكەري- ساياسي، جاڭادان تۋعان قاۋىپتەر- قاتەرمەن كۇرەس) سەنىم شارالارىنىڭ ورىندالۋىن باقىلايتىن جۇمىس توبىن قۇرۋدى ۇسىندى.

« ا ءو س ش ك ۇكىمەتتىك ەمەس فورۋمىن ۇيىمداستىرۋ ارقىلى قوعامدىق نەگىزدە الماسۋ جەلىسىن قۇرۋدى ۇسىنامىز. بۇل اء و س ش ك قاۋىپسىزدىك تۇعىرناماسىن تاراتۋ اۋقىمىن كەڭەيتۋ ءۇشىن نىق الەۋمەتتىك نەگىز قالاۋعا جانە ونىڭ بەدەلى مەن ىقپالىن كۇشەيتۋ ءۇشىن قاجەت  » ، -  دەپ اتاپ ءوتتى شي جينپيڭ.

قىتاي باسشىسى ا ءو س ش ك- نىڭ ينكليۋزيۆتىلىگى مەن اشىقتىعىن ارتتىرۋ، سونداي- اق باسقا ايماقتىق جانە حالىقارالىق ۇيىمدارمەن ءوزارا ىقپالداستىقتى تەرەڭدەتۋ قاجەتتىگىن اتاپ ءوتتى.

 شي جينپيڭ  « ءۇش زۇلدىمدىقپەن » ( تەرروريزم، ەكسترەميزم جانە سەپاراتيزم) كۇرەسۋدە ءجيى تاجىريبە الماسۋ مەن ىقپالداستىق مەحانيزمىن، ياعني ازيا ەلدەرى ارنايى قىزمەتتەر فورۋمى مەن جىلدام ارەكەت ەتۋ ورتالىعىن قۇرۋدى ۇسىندى.

ەسكە سالا كەتەيىك، بۇگىن، 21 - مامىردا شانحايدا ازياداعى ءوزارا ءىس- قيمىل جانە سەنىم شارالارى كەڭەسىنىڭ (ا ءو س ش ك) 4- شى ءسامميتى ءوز جۇمىسىن باستادى.

 سامميتكە قاتىسۋ ءۇشىن شاڭحايعا قازاقستان، ازەربايجان، رەسەي، پاكىستان، قىرعىزستان، يران، وزبەكستان، تاجىكستان، اۋعانستان، موڭعوليا، شري- لانكا باسشىلارى جانە كامبودجا پرەمەر- ءمينيسترى، سونىمەن بىرگە ب ۇ ۇ باس حاتشىسى پان گي مۋن كەلدى. تۇركيا پرەزيدەنتى ءابدۋللا گۇل شاحتاداعى كەنشىلەردىڭ قازا بولۋىنا بايلانىستى كەلگەن جوق. سامميتكە تۇركيانىڭ اتىنان ەلدىڭ سىرتقى ىستەر ءمينيسترى قاتىسۋدا.  

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى