ەر مەن ايەلدىڭ قارىم-قاتىناسىندا مۇرىننىڭ قانداي ورنى بار
پسيحولوگتاردىڭ بارلىعى بۇل ماسەلەنىڭ وتە ماڭىزدى ەكەنىن جارىسا ايتادى.
قازاقتا دا «ەر مۇرىندى، ات ەرىندى كەلسىن» دەگەن ءسوز بار.
سۇلۋلىققا قۇشتار ايەل جانى سەرىگىنىڭ قىر مۇرىندى بولعانىن قالايتىنى ءسوزسىز. ءبىراق تابيعاتتا ءمىنسىز سۇلۋ ەركەكتەر سيرەك كەزدەسەدى.
جالپى، شىن مانىندە باقىت دەگەننىڭ سۇلۋلىققا قاراپ تۇرعان تۇگى جوق.
ەڭ باستىسى ادامنىڭ جۇرەگى تازا بولسا، جارىن شىن سۇيسە بولعانى. دەگەنمەن، جىگىتىڭىزدىڭ مۇرنى قانداي؟ زەر سالىپ كوردىڭىز بە؟
پسيحولوگيا: ەركەكتىڭ مۇرنى قانداي بولسا...
دوڭەس، ۇشى قىسقالاۋ مۇرىندى. سەرىگىڭىزدىڭ قازىمىر مىنەزىنە كوندىگۋگە تۋرا كەلەدى. ول ادەتتە ۇساق-تۇيەكتىڭ ءبارىن تىزبەلەپ وتىرادى. سوندىقتان، ۇيدە تىنىشتىق بولسىن دەسەڭىز، كوزىنە كولدەنەڭ جاتقان قىلشىق تۇسپەۋى كەرەك جانە ۇنەمى تاماقتىڭ بۋى بۇرقىراپ دايىن تۇرسىن.
ايتپەسە، جوقتان وزگەنى ءسوز ەتىپ، ايتەۋىر ءبىر ىلىك تاۋىپ ۇرىس شىعارۋى ابدەن مۇمكىن. ماڭدايىنا وسىنداي بەيمازا مىنەزدى جىگىت جازىلعان ايەلدىڭ مەيلىنشە كەڭ بولعانى دۇرىس. اشۋدى سابىرعا جەڭدىرە ءبىلىڭىز. ءوزىڭىز دە تازالىق پەن ءتارتىپتى جاقسى كورسەڭىز، وندا ناعىز «تەڭ- تەڭىمەن» بولعانى، دەمەك شاڭىراقتارىڭىز جوپشەڭكە جەلگە شايقالا قويمايتىن بەرىك بولادى.
قۇس مۇرىندى. سۇيگەنىڭىز تۇراقسىزداۋ ءارى ءبىراز ساراڭدىعى دا بار بولسا كەرەك. مۇنداي جىگىتپەن باقىتتى بولۋ ءۇشىن ۇنەمدەپ ۇيرەنۋ كەرەك جانە پىكىرىن ءجيى وزگەرتەتىنىنە دە كوندىگۋگە تۋرا كەلەدى. قۇس مۇرىندى ەركەكتەردىڭ ءوزىن تىم جوعارى باعالايتىنى دا ءجيى بايقالادى ەكەن. ءبىراق، كەي جاعدايدا بۇل قاسيەتتىڭ جاقسى جاعى دا بولادى.
يمەك مۇرىندى. وندا جىگىتىڭىز وتە بىربەتكەي، قىرسىق بولار. ءوزى قالاماسا، قانشا كۇش سالساڭىز دا زياندى ادەتتەرىن قويدىرا المايسىز. ءاردايىم ءوز پىكىرى بار جانە پىكىرىن ۇنەمى دالەلدەپ، قورعاپ وتىرادى. (ءتىپتى قاتە ەكەنىن بىلسە دە ايتقانىنان قايتپايدى). مۇنداي ەركەكتەر تاماقساۋ كەلەدى، اسىرەسە كەشكە تاماقتانعاندى جاقسى كورەدى.
جۇقا، قىرلى مۇرىندى. ونداي ەرلەر وزدەرىن ايانىشتى ەتىپ كورسەتىپ جۇرەدى، بىرەۋلەردىڭ مۇسىركەگەنىن جانى قالايدى. تەز وكپەلەپ قالادى، ايەل زاتىنان قولداۋ كۇتەدى. جۇپ-جۇقا جەلبەزەگى دىرىلدەگەن جىگىتتەرمەن ابايلاپ سويلەسكەن ءجون، ءار ءسوزىڭدى سالماقتاپ وتىرۋ كەرەك. ارتىق-اۋىس ءسوزىڭىزدى كوتەرە الماي، رەنجىپ قالۋى مۇمكىن. ىنجىقتىعى بار، قيالشىل.
شولاق مۇرىندى. مۇنداي ازاماتتاردىڭ جانى جۇمساق كەلەدى. ونەر وشاقتارى، مادەني شارالاردى جاقسى كورەدى. ءبي كەشى مەن ساۋىقكەشتەردەن دە باس تارتا قويمايدى. ءبىراق ولار دوستارىمەن قىدىرۋدى ءجون سانايدى، ال سىزگە قىدىرىمپازىڭىزدى كۇتىپ وتىرۋعا تۋرا كەلەدى. شىعارماشىلىققا بەيىم، شابىتى كەلگەن كەزدە اينالاسىن تاڭ قالدىراتىن توسىن ارەكەتتەرگە بارۋى مۇمكىن.
ءىرى، قوڭقاق مۇرىندى. قوڭقاق مۇرىندىلار كوپشىل، جۇرتپەن جاناسقىش، اشىق-جارقىن بولادى. ايەلىن قۇلاي سۇيەدى. ادەتتە كوپ جۇمىس ىستەيدى، ءبىراق ءىرى تابىستار تابۋعا قولى جۇرە بەرمەيدى. تويا تاماقتانىپ، قاتىپ ۇيىقتاسا -ءبىرشاما باقىتقا كەنەلەدى.
تاڭقى مۇرىندى. تاناۋى تاڭقيىڭىراپ تۇرسا دا، بۇل ازامات ناعىز ازامات. جانى نازىك، تەز جارالانعىش، مىنەزى ءمارت. ول ءۇشىن ومىردەگى باستى قۇندىلىق - وتباسى. بولاشاقتى جوسپارلاپ قويعاندى جاقسى كورەدى. ماقساتقا ۇمتىلعىش. مۇنداي ەر جىگىت وتباسىن باقىتقا بولەي الادى.
