اعايىنداردىڭ ازاماتتىق الۋ ماسەلەسى تالقىلانادى

دوڭگەلەك ۇستەلگە كوشى- قون سالاسىنا قاتىستى قۇزىرلى ورگانداردان، كوشى- قون باسقارمالارىنان، كوشى- قون پوليتسياسىنان، ق ر پارلامەنت دەپۋتاتتارىنان، قوعامدىق ۇيىمداردان جانە ورالمانداردان وكىلدەر قاتىسادى.

باسقوسۋدا ۇكىمەتتىڭ قازىرگى كوشى-قون ساياساتى جانە ازاماتتىق الۋدى وڭتايلاندىرۋدىڭ جولدارى، كوشى-قون زاڭنامالىقتارىنا ەنگىزىلەتىن وزگەرىستەر مەن تۇراقتى تىركەۋدىڭ شىرعالاڭدارىن جويۋ ماسەلەلەرى ءسوز بولماق.

 قازاقستان ەتنيكالىق قازاقتاردى كوشىرۋدى 1991-جىلدان باستاپ قولعا العانى بەلگىلى. الايدا ورالمانداردى تاريحي وتانىنا ورنالاستىرۋ، ازامايتىق الۋ ماسەلەلەرى 2000-جىلعا دەيىن ءوز شەشىمىن تاپپادى.

ورالمانداردىڭ قۇقىقتىق پروبلەمالارىن رەتتەۋ، زاڭنامانى جەتىلدىرۋ ماسەلەسى 2000-جىلدارى عانا جولعا قويىلدى. دەگەنمەن 2012-جىلى ءوز سۇرلەۋىن تاۋىپ، قۇقىقتىق پروبلەمالارى شەشىلدى دەگەن كوشى-قون ساياساتى كۇرت وزگەرىپ، وزگەشە باعىت پەن سيپات الدى.

قازاقستاننىڭ كوشى- قون ساياساتى داعدارىسقا ۇشىراپ، ورالمانداردىڭ ازاماتتىق الۋ ماسەلەسى 4 جىلعا دەيىن شەگەرىلدى. قوعامدىق تالقىلاۋدىڭ جانە اقپارات قۇرالدارىنداعى ورالماندار ماسەلەسىنىڭ ۇزدىكسىز كۇن تارتىبىنە شىعۋى ۇكىمەتتىڭ وسى سالاداعى كوزقاراسىن مۇلدەم وزگەرتۋگە ىقپال ەتتى.

قازىر ۇكىمەتتىڭ كوشى-قونعا قاتىستى جاڭا زاڭ جوباسى كوپشىلىكتىڭ تالقىسىنا ۇسىنىلدى. وتىرىستا وسى ماسەلە ەگجەي-تەگجەيلى ءسوز بولىپ، ورالمانداردىڭ ءوزىنىڭ قاتىسۋىمەن ناقتى قانداي كەدەرگىلەر بارلىعى تالقىلانباق.

baq.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى