وسكەمەندە كيىز ءۇي ءپىشىندى «اقىلدى ءۇي» سالىنباق

ول «اقىلدى ءۇي» سمارت- تەحنولوگياسى جانە باسقا يننوۆاتسيالىق وڭدەۋلەرمەن جابدىقتالماق، دەپ حابارلادى وبلىس اكىمىنىڭ اقپاراتتىق ورتالىعىنان.

ش ق و جاستار ساياساتى ماسەلەلەرى بويىنشا باسقارما باسشىسى جاسۇلان سارسەبايەۆتىڭ سوزىنە قاراعاندا، قالاشىق جاستاردىڭ ءتۇرلى باستامالارىن قولداۋ ءۇشىن سالىنباق. ال جوبانىڭ باستى سەرىكتەستەرى رەتىندە ب ۇ ۇ- نىڭ دامۋ باعدارلاماسى مەن جاھاندىق ەكولوگيالىق قور قاتىسادى. ولار ورتالىق نىسان - «ەكو ءۇيدى» كۇن باتارەيالارىمەن، سۋ سۋجىلىتقىش قازاندىقتار، «اقىلدى ءۇي» سمارت- تەحنولوگياسى جانە باسقا دا زاماناۋي عىلىم جەتىستىكتەرىمەن جابدىقتاۋ ءۇشىن قاجەتتى قارجىنى بولگەن.

نىساننىڭ قۇرىلىسى 34 ميلليون تەڭگەگە باعالانىپ وتىر.

ەكو ۇي بيىلعى جىلدىڭ قازان ايىندا پايدالانۋعا بەرىلەدى دەپ جوسپارلانۋدا.

ءۇي ەكولوگيالىق ماتەريالداردان سالىنادى. ال بەزەندىرىلۋى بويىنشا ول كيىز ۇيگە ۇقساستىرىلماق. وعان قوسا، بيىلعى جىلدىڭ ماۋسىم ايىنىڭ باسىندا ەكوۇيدىڭ جوباسى نيۋ- يوركتە بۇكىل الەمدىك جاستار فورۋمىندا تانىستىرىلادى.

سالىناتىن قالاشىقتا كارتينگ، سكالودروم، ويىن جانە سپورتتىق الاڭدار، سونىمەن بىرگە، جاستار ۇيىمدارىنىڭ كەڭسەلەرى بولادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى