گولوۆكيننىڭ جەكپە-جەگى وتەتىن كۇن بەلگىلى بولدى

باسپاءسوز ءماسليحاتىندا گولوۆكيننىڭ كەلەسى جەكپە-جەگى 26-شىلدەدە نيۋ-يورك قالاسىنىڭ Madison Square Garden (MSG) ارەناسىندا وتەتىنى بەلگىلى بولدى. جەكپە- جەكتى HBO تەلەارناسى كورسەتەدى.

توم لەففلەردىڭ ايتۋى بويىنشا، الەمنىڭ ەكس-چەمپيونى دەنيەل گيلدىڭ وكىلى گەري شوۋمەن كەلىسسوزدەر ءجۇرىپ جاتىر. ەستەرىڭىزدە بولسا، دۇنيەجۇزىلىك بوكس قاۋىمداستىعى (WBA) گولوۆكيندى اۆستراليالىق دجارود فلەتچەرمەن جەكپە-جەككە شىعۋعا مىندەتتەگەن ەدى.

بۇل شەشىمگە گولوۆكيننىڭ كومانداسى ريزا ەمەستىگىن ءبىلدىرىپ، قاۋىمداستىق باسشىلىعىنا دەنيەل گيلمەن جەكپە-جەك وتكىزۋگە مۇمكىندىك بەرۋ جونىندە ءوتىنىش جولدادى. توم لەففلەر 26-شىلدەگە جوسپارلانعان جەكپە-جەكتىڭ وتەتىنىنە سەنەتىنىن ايتتى.

گولوۆكين مەن گيل اراسىنداعا كەلىسسوزدەر ءساتتى اياقتالسا، جەكپە- جەك MSG-ءنىڭ 20 مىڭ ادامعا ارنالعان ارەناسىندا وتەدى. قازاقستاندىق بوكسشىنىڭ الدىڭعى كەزدەسۋلەرى Madison Square Garden-نىڭ 5600 كورەرمەن سىياتىن تەاترىندا وتكەن بولاتىن.

ايتا كەتەر جايت، گولوۆكين ەكىنشى ورتا سالماققا اۋىسۋعا جانە وسى سالماقتاعى بوكسشىلارمەن جەكپە- جەككە شىعۋعا دايىن ەكەنىن مالىمدەدى. بوكسشىنىڭ كومانداسى دا بۇل باستاماعا قارسى ەمەس.

گەنناديي گولوۆكين 31-مامىر كۇنى، WBA مەن IBF بىرىكتىرىلگەن كارل فروچ پەن دجوردج گروۋۆس جەكپە-جەگىنىڭ جەڭىمپازىمەن جانە وسى ديۆيزوننىڭ مىقتى بوكسشىسى سانالاتىن اندرە ۋوردپەن دە جەكپە-جەككە شىعۋعا ءازىر ەكەنىن ايتۋدا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى