اسكەري قىزمەتكەر جوعالدى، ءبىراق قورعانىس ىستەرى باسقارماسى ارەكەتسىز وتىر

جوعالعان جىگىتتى كورگەن-بىلگەندەر بولسا، حابار كۇتەدى.

قازىر ءوز بەتىنشە ىزدەپ جاتقان ولاردىڭ ارمان قىزمەت ەتەتىن قالالىق قورعانىس ىستەرى جونىندەگى باسقارما باسشىلارىنا وكپەسى قارا قازانداي.

ولار 6 كۇننەن بەرى حابار المادى دەپ ناليدى.

ەسكە سالا كەتەيىك، 15-مامىر كۇنى اقتوبە قالالىق قورعانىس ىستەرى جونىندەگى باسقارمانىڭ كەزەكشىسى ارمان سۇراعانوۆ جۇمىس ۋاقىتىندا ءىز-ءتۇزسىز جوعالىپ كەتكەن بولاتىن.

تۋىستارى ونىڭ قىزمەت ورنىن ءوز بەتىنشە تاستاپ كەتۋى مۇمكىن ەمەستىگىن ايتادى.

2 بالانىڭ اكەسى ءوز قىزمەتىنە جاۋاپتى قاراعان. پوليتسيا ادام ۇرلاۋ دەرەگىن دە جوققا شىعارمايدى. قىلمىستىق ءىس قوزعالىپ، تەرگەۋ امالدارى ءجۇرىپ جاتىر.

نەسىبەلى جۇماعاليەۆا، ا. سۇراعانوۆتىڭ تۋىسى:

- 3-4 كۇننەن بەرى باۋىرىمىزدى ىزدەپ، تابا الماي جاتىرمىز. اسكەري باسقارمادان ەشقانداي كومەك جوق. ءوزى جۇمىس ورنىنان كەتىپ قالدى دەپ ايتادى، ءبىراق ول قالاي كەتىپ قالادى؟  ورنىندا دەگەن، ءوزىم قاننىڭ بولعانىن، تەلەفوننىڭ جاتقانىن كوردىم. اتالعان ءىس قۇجاتىندا بارلىعى تۇر.

قاسىم سۇندەتوۆ، اقتوبە قالالىق قورعانىس ىستەرى جونىندەگى باسقارمانىڭ باسشىسى:

- اسكەري كەزەكشىلىكتە تۇرعان سەرجانت سۇراعانوۆ ارمان تالعات ۇلى 1981 - جىلى تۋىلعان، ول ءوز جۇمىس ورىنىن بەلگىسىز سەبەپپەن تاستاپ كەتتى. اسكەري پوليتسياعا، اسكەري پروكۋراتۋراعا جانە ءى ءى د-گە حابار بەردىم، ءىس قوزعالدى. قازىر ىزدەۋ شارالارى جۇرگىزىلىپ جاتىر.

24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى