وسكەمەندە الاياقتىقپەن اينالىسقان كۇدىكتى تۇتقىندالدى

پوليتسيانىڭ دەرەكتەرىنە سۇيەنسەك، وبلىستىڭ 20 دان استام تۇرعىنى (كوپشىلىگى وسكەمەن قالاسىنان) ولارعا ءوزىن ريەلتورمىن دەپ تانىستىرعان ايەلدىڭ وزدەرىن الداپ كەتكەندىگى تۋرالى شاعىممەن جۇگىنگەن.

تەرگەۋ دەرەكتەرىنە سۇيەنسەك، وسكەمەننىڭ 32 جاستاعى تۇرعىنى عالامتورعا ءبىر ج ش س-دان ريەلتور رەتىندە نارىقتىق باعادان تومەن باعاعا تۇرعىن ءۇي ساتىپ بەرۋ بويىنشا قىزمەت كورسەتەتىنى تۋرالى جارناما ورنالاستىرعان.

ال اتالمىش پاتەرلەردىڭ ءبىرى قالاداعى بانكتەردىڭ كەپىلدەگى مۇلكى بولسا، ەندى ءبىرى اۋكتسيوندىق ساۋدا-ساتتىققا قويىلعان.

جارناما بويىنشا حابارلاسقان تۇرعىندارعا كۇدىكتى قالانىڭ ءار اۋداندارىندا ورنالاسقان پاتەرلەر دەرەكتەرىن تاڭداۋدى ۇسىنادى. ءسويتىپ، ىڭعايلى پاتەردى تاڭداعان «بولاشاق ساتىپ الۋشىمەن» جالعان شارت جاساسقان.

بۇل رەتتە ول اۋكتسيوندىق ساۋدا-ساتتىقتان تاڭدالعان پاتەرلەر تولەمى بويىنشا مىندەتتەردى وزىنە الادى. سودان كەيىن ايەل ساتىپ الۋشىلاردان 500 مىڭنان باستاپ بىرنەشە ميلليون تەڭگەگە دەيىن الدىن الا تولەم رەتىندە ءىرى مولشەردە اقشا العان.

الاياقتىق فاكتىسى بويىنشا قىلمىستىق ءىس قوزعالدى، تەرگەۋ امالدارى جۇرگىزىلۋدە. سوت سانكتسياسىمەن كۇدىكتى تۇتقىنعا الىندى، دەپ حابارلادى وبلىستىڭ ءى ءى د باسپا ءسوز قىزمەتىنەن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى