ءتىل تازالىعى نەمەسە نە ايتىپ جاتقانىمىز وزىمىزگە ءمالىم بە؟
بۇنداعى نەگىزگى سۇراق - بۇل ادامعا سەنۋگە بولا ما، جوق پا؟
قارىم-قاتىناس قۇرسام، ساپاسى قانداي بولماق؟ ءوزىمدى قالاي ۇستاعانىم ءجون؟
وسى سىندى نەگىزگى سۇراقتار ءبىزدىڭ ميىمىزدا لەزدە پايدا بولىپ، لەزدە جاۋابىن الىپ، ءبىزدىڭ ارەكەتتەرىمىز تۋىنداي باستايدى.
بۇل ويلاردىڭ جاۋابى رەتىندە كەلەتىن شەشىم ءبىزدىڭ سوقىر سەزىمىزبەن (subconscious) جۇزەگە اسىرىلادى. ال، سول شەشىمىمىزدىڭ دۇرىستىعى سول اداممەن سويلەسكەندە نە بەكي تۇسەدى، نە وزگەرەدى.
وسى رەتتە ايتارىم، سويلەگەن ءسوزىمىز وتە ماڭىزدى. قازاقتا «جاقسى ءسوز- جارىم ىرىس» - دەگەن دانا وي بار. ءسوز - ءبىزدىڭ ميىمىزعا اسەر ەتەدى، ال ميعا اسەر ەتكەن نارسەنىڭ ءبىزدىڭ قابىلداعان شەشىمدەرىمىزگە تىكەلەي ىقپالى بار. سول سەبەپتى، اۋزىمىزدان ءجيى شىعاتىن سوزدەر مەن تۇراقتى تىركەستەردى زەرتتەۋ ارقىلى دا وزىمىزگە ءوزىمىزدىڭ جاساپ جۇرگەن كەدەرگىمىزدى ءتۇسىنىپ، ولاردان ارىلۋعا مۇمكىندىگىمىز بار.
ەكىنشى جاعى - ەستەتيكالىق جاعى. ءسوزدىڭ ءقادىرىن بىلەتىن ادامداردى تىڭداۋ دا، ولارمەن اڭگىمە قۇرۋ دا راحات! ەستەتيكا نەدەن قۇرالادى؟ ول ارينە، ديكتسيا، داۋىس ىرعاعى، ءسوز بايلىعى جانە ءتىل تازالىعى.
ءارقايسىسىڭىز كۋا بولىپ جۇرگەن جاعداي: مەن قازاقشا تازا سويلەيمىن دەپ الىپ، شالا قازاقشا سويلەيتىن ادامدار. ارىسىن ايتىپ قاجەتى جوق، كوشەلەردىڭ اتاۋىن ويلانباستان، ورىسشا ايتىپ وتىرىپ، قازاقشا جالعاۋلار قوساتىن ادامداردى ەستىپ تۇرىپ، تاڭ بولام! قالايشا ويلانباي سويلەۋگە بولادى؟ ! «ابايا-ناۋرىزبايادا كەلە جاتىرمىن» دەپ ايتۋ ءۇشىن، ادام قانشالىقتى ويلانباۋ كەرەك؟ ! مەن تاڭمىن...
تاعى دا ءبىر كىسىلەر بار، قازىرگى قازاقشا اۋدارمالاردى تۇسىنبەيمىن دەيتىن... سوزدىك قورىڭدى جاڭارتىپ وتىرماساڭ، قايدان تۇسىنەسىڭ؟ ! تاڭمىن...
ءۇشىنشى جاعى - دامۋىڭنىڭ دەڭگەيى. بايقاساق، ءوز ءومىرىنىڭ تىزگىنىن ۇستاعان ادامدار ءوز ويلارىن دا، ءوز سەزىمدەرىن دە، ءوز اسەرىن دە ساپالى تۇردە سوزبەن جەتكىزە الادى. بۇل - ونەر.
وسىنىڭ بارلىعىن جاقسى ءتۇسىنىپ، ءوز ومىرىمىزدە قولدانۋ - ءبىزدىڭ گەنىمىزدە بار نارسە، ويتكەنى قازاق ءسوز قۇدىرەتىن كەرەمەت تۇسىنگەن حالىق.
جازبامدى اياقتاي كەلە ايتارىم - ءسوز ءقادىرىن تۇسىنەيىك، ءتىلىمىزدىڭ تازالىعىن وزىمىزگە ءوزىمىز مىندەت ەتىپ قويايىق. بارلىعى وزىمىزدەن باستالادى ەمەس پە؟ !
blogtime
