بەيجىڭدە قۇرمانعازى اتىنداعى قازاق ۇلتتىق كونسەرۆاتورياسىنىڭ ارالاس حورى ونەر كورسەتتى
بۇكىل الەمدىك اتاقتى «Beijing Music Modern Festival-2014» فەستيۆالى بەيجىڭدەگى مۋزىكا ورتالىق كونسەرۆاتورياسىنىڭ ۇيىمداستىرۋىمەن، ق ح ر ءبىلىم مينيسترلىگى مەن مادەنيەت مينيسترلىگىنىڭ، ۇلتتىق دەمەۋشىلەردىڭ قولداۋىمەن وتۋدە.
2014 ج. دەيىن Beijing Music Modern Festival اياسىندا 400 جوعارى ساپالى كونتسەرت، 100 ءدارىس پەن شەبەرلىك سىنىبى ءوتتى.
كونسەرۆاتوريالىق حور قازاق، ورىس، يتاليان، تۇرىكمەن، مولداۆيالىق، امەريكاندىق كومپوزيتورلاردىڭ تۋىندىلارى بار باعدارلامانى ۇسىندى. كونتسەرتكە ق ر حالىق ءارتىسى، كونسەرۆاتوريا رەكتورى ءجانيا اۋباكىروۆا قاتىستى.
كونتسەرت الدىندا، قازاقپاراتقا بەرگەن سۇحباتىندا قۇرمانعازى اتىنداعى قازاق ۇلتتىق كونسەرۆاتورياسىنىڭ رەكتورى ءجانيا اۋباكىروۆا ەلىمىزدىڭ دارىندى جاستارى تۋرالى، كونسەرۆاتوريانىڭ 10 جىل ىشىندە باعىندىرعان بەلەستەرى، ونىڭ الداعى جوسپارى جانە كونسەرۆاتوريانىڭ حالىقارالىق ىقپالداستىعى جونىندە باياندادى.
«كونسەرۆاتوريا سوڭعى 10 جىلدا بۇكىل الەممەن بەلسەندى تۇردە قارىم-قاتىناس ورناتۋدا. ستۋدەنتتەرىمىز بەرلين، لوندون، ۆەنەتسيا، ماسكەۋ، سانكت-پەتەربور جانە وزگە دە شەتەلدىك قالالاردىڭ ساحنالارىندا ونەر كورسەتتى.
ال 2009 - جىلى قۇرمانعازى اتىنداعى قازاق ۇلتتىق كونسەرۆاتورياسىنىڭ ستۋدەنتتىك سيمفونيالىق وركەسترى ا ق ش-تىڭ 4 قالاسىندا - لوس-اندجەلەس، سان-فرانتسيسكو، ۆاشينگتون، بوستون، نيۋ-يوركتە كونسەرت قويدى»، - دەدى كونسەرۆاتوريا رەكتورى.
ج. اۋباكىروۆا ايتقانداي، قىتايعا ساپار بارىسىندا قۇرمانعازى اتىنداعى قازاق ۇلتتىق كونسەرۆاتورياسىنىڭ رەكتورى بەيجىڭ ورتالىق كونسەرۆاتورياسى مەن گۋانجوۋ كونسەرۆاتورياسىنىڭ پرەزيدەنتتەرىمەن كەزدەسەدى.
ەسكە سالا كەتەيىك، ستۋدەنتتىك ارالاس حور 1944 - جىلى قازان ايىندا قۇرىلعان. كونسەرۆاتوريا حورى كونسەرۆاتوريا مەن قالاداعى كونتسەرتتىك باعدارلامالارعا بەلسەندى قاتىسادى. قازاقستان رەسپۋبليكاسىنداعى قالالار مەن شەتەلدەردە ونەر كورسەتەدى.
