الەمنىڭ «جەتى قازىناسى» الماتىدا

تۇڭعىش پرەزيدەنت ساياباعىندا «گۇل قالا - الماتى» فەستيۆالىنە وراي «جەتى قازىنا» باعى اشىلماق.

ول جەرلدەرگە ەلىمىزدە وسەتىن وسىمدىكتەردىڭ بارلىعى قويىلادى.

ءدال قازىر بۇل اۋماقتى كوركەمدەۋمەن 20 ادام اينالىسىپ جاتىر. 5,5 مىڭ شارشى اۋماققا ساقتاردىڭ قارۋ-جاراعىن ورناتىپ، ورتاسىنا قازاقتىڭ شاڭىراعىن ويىپ جاساعان. ارحيتەكتۋرالىق بەينەلەرمەن بىرگە الەمنىڭ 9 ەلىنەن اكەلىنگەن وسىمدىكتەر مەن اعاشتار ەگىلدى.

بۇل قاتاردى سيۆەرس الماسى جانە تيان شان شىرشاسىمەن قاتار توپىراق تالعامايتىن، شولگە شىدامدى، جارىق سۇيگىش تاماريكس بۇتاسىن دا وسىنان تاباسىز.

«قازاقستان وسىمدىكتەر الەمىنىڭ سۇلۋلىعىن كورسەتۋ. ەلىمىزدە قالانى اباتتاندىرۋ جۇمىستارىندا بۇل وسىمدىكتەر قولدانىلمايدى. ال شەتەلدەردە بۇل كەڭ تارالعان»، - دەدى ساۋلەتشى سەرگەي زايتسەۆ.

جەتى قازىنا باعى كەيىن اكىمدىكتىڭ جانىنداعى تابيعاتتى قورعاۋ باسقارماسىنىڭ قارماعىنا وتەدى. سيرەك، ءارى قىمبات وسىمدىكتەردى جەتىلدىرۋ سولاردىڭ موينىندا بولماق.

باق ءالى اشىلماسا دا، الماتىلىقتار كوپ كەلەتىن اۋماققا اينالىپ ۇلگەردى. اسەم كورىنىسكە سەرۋەندەۋشىلەر تاڭدانىسىن جاسىرمايدى.

«جەتى قازىنا» ساياباعى 25 - مامىردا گۇل قالا مەرەكەسى قارساڭىندا اشىلادى. ۇيىمداستىرۋشىلار ول كەزدە بىردەن 10 مىڭ ادام كەلەدى دەپ جوسپارلاۋدا. سەبەبى، قازىردىڭ وزىندە بۇل اۋماق سەرۋەندەۋشىلەردىڭ سۇيىكتى ورنىنا اينالىپ ۇلگەردى.

«الماتى» تەلەارناسى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى