الماتىلىقتار ءۇشىن باسپانا الۋدىڭ تاعى ءبىر مۇمكىندىگى تۋدى

بۇل تۋرالى «الماتى» تەلەارناسى «اشىق اڭگىمە» باعدارلاماسىندا الماتى قالاسى تۇرعىن ءۇي باسقارماسىنىڭ باسشىسى قايرات ءنۇرقادىلوۆ مالىمدەدى.

«قازىرگى ۋاقىتتا الماتى قالاسىندا «قول جەتىمدى باسپانا 2020» باعدارلاماسى بەس باعىت بويىنشا جۇمىس ىستەيدى.

ەڭ ءبىرىنشىسى بۇل ءبىزدىڭ اكىمىمىز بەكىتكەن قالالىق باعدارلاما. وسى بويىنشا 500 پاتەر بەرەمىز. ەكىنشىسى رەسپۋبليكالىق بيۋدجەتتەن بەرىلەدى. بۇل باعىت بويىنشا دا 500 پاتەر بەرىلۋى ءتيىس. ونىڭ ىشىندەگى ءجۇز باسپانا قولدانۋعا بەرىلىپ قويدى.

ءۇشىنشىسى - جاس وتباسىلارعا ارنالعان. ولارعا 387 پاتەر بەرىلۋى كەرەك. سونىمەن قاتار، «قازاقستاندىڭ يپوتەكالىق كومپانياسى» - بۇل جەردە ساتىپ العانعا دەيىن جالعا بەرىلەدى. وسى جىلى بۇل باعىتقا 108 پاتەر تيەسىلى. «تۇرعىن ءۇي قۇرىلىس جيناق بانكى» 1152 پاتەر بەرەدى. سونىمەن قاتار، بيىل العاش رەت «سامۇرىق-قازىنا» 200 پاتەردى قولدانۋعا بەرەدى»، - دەدى ءنۇرقادىلوۆ.

ەستەرىڭىزگە سالا كەتسەك، الماتى قالاسىندا 2014 - جىلى 872,0 مىڭ م 2 پايدالانۋعا بەرىلەدى. ونىڭ ىشىندە 126,7 مىڭ م 2 بيۋدجەتكە ءتيىسىلى. سونىمەن قاتار، 2014 - جىلى تۇرعىن ءۇي سالۋعا 11,8 ميلليارد تەڭگە ءبولۋ جوسپارلانعان.

 «الماتى» تەلەارناسى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى