قازاقستان قىتاي تەحنولوگياسىمەن ۇشاق شىعارۋدى دامىتۋعا ارنالعان كەلىسىمشارتقا قول قويۋدى جوسپارلاۋدا

بۇل تۋرالى ق ر پرەزيدەنتى نۇرسۇلتان نازاربايەۆپەن كەزدەسۋىنەن كەيىن اتالعان كومپانيانىڭ جەتەكشىسى ۋ گۋانتسيۋان ءمالىم ەتتى.

«سىزدەردىڭ پرەزيدەنتتەرىڭىز قازاقستاندا اۆياتسيالىق ءوندىرىستى دامىتۋعا جانە دايىن ءونىمدى ورتا ازيا ەلدەرىنە ساتۋعا قىزىعۋشىلىق تانىتۋدا. ول اعىمداعى جىلدىڭ كۇزىندە ءبىزدىڭ كومپانيامەن كەلىسىمشارتقا قول قويۋعا دايىن ەكەندىگىن ءبىلدىردى. تاياۋ ارالىقتا ءبىز قازاقستانعا قاجەتتى شارتتار مەن قۇجاتتاردى ازىرلەۋ ءۇشىن ماماندار دەلەگاتسياسىن جىبەرەمىز» ، - دەدى ول.

( AVIC» (Aviation industry corporation of China» - اسكەري جانە ازاماتتىق اۆياتسيا سالاسىندا اۆيا ونىمدەردىڭ كەڭ اۋقىمىن وندىرۋمەن اينالىساتىن مەملەكەتتىك كومپانيا. كورپوراتسيا الەمنىڭ 30 دان استام ەلىنە جويعىش ۇشاقتار، بومبالاۋشى ۇشاقتار، تىكۇشاقتار، جالپى ماقساتتاعى اۆياتسيالىق ۇشاقتار ەكسپورتتايدى. سونداي- اق كومپانيا
 «Boeing», «Airbus», «GE», «Rolls Royce»  سىندى اۆياتسيالىق قۇراستىرۋ سالاسىنداعى الەمدىك كوشباسشىلاردى قاجەتتى بولشەكتەرمەن، قوزعالتقىشتارمەن، بورت قۇرال- جابدىقتارىمەن قامتاماسىز ەتەدى.

2014 - جىلدىڭ ساۋىرىندە قازاقستان اۋماعىنداعى ىنتىماقتاستىقتى كەڭەيتۋ ماقساتىندا «AVIC International»  كومپانياسى مەن «وتان- اۆيك» ج ش س بىرلەسكەن كاسىپورنى قۇرىلعان بولاتىن.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى