قازاقستاندا جۇمىسسىزدىقتىڭ ەڭ تومەنگى دەڭگەيى قالىپتاسىپ وتىر - گ. ءابدىقالىقوۆا

«بۇگىندە قازاقستان الەۋمەتتىك سالادا ايتارلىقتاي تابىسقا جەتىپ وتىر. 2015 - جىلعا دەيىن كەدەيشىلىك دەڭگەيىن 2 ەسە قىسقارتۋ، جالپىعا ورتاق باستاۋىش بىلىممەن قامتۋ جونىندەگى ب ۇ ۇ مىڭجىلدىق دامۋى ماقساتتارىنا قول جەتكىزىلدى. جۇمىسسىزدىقتىڭ ەڭ تومەنگى دەڭگەيى بايقالادى. 2013 - جىلى ول 5,2 پايىزدى قۇرادى. 2012 - جىلى قازاقستان ادام دامۋى يندەكسى رەيتينگىندە 186 ەلدىڭ ىشىندە 69- ورىنعا تۇراقتادى» ، - دەدى ول.

 سونىمەن بىرگە ول الەمدەگى جاھاندىق توقىراۋدى ەسكەرە وتىرىپ، قازاقستان ءۇشىن الەۋمەتتىك تۇراقتىلىقتى نىعايتا ءتۇسۋ ماڭىزدى ەكەندىگىن اتاپ ءوتتى. «بىزدەر ءۇشىن الەۋمەتتىك تۇراقتىلىقتى نىعايتۋ ماڭىزدى. مۇنداي مىندەتتى مەملەكەت باسشىسى «قازاقستاننىڭ الەۋمەتتىك جاڭعىرۋى: جالپىعا ورتاق ەڭبەك قوعامىنا قاراي 20 قادام» اتتى باعدارلامالىق ماقالاسىندا جۇكتەدى. ەل پرەزيدەنتى «قازاقستان-2050» ستراتەگياسىندا الەمنىڭ بارىنشا دامىعان 30 ەلىنىڭ قاتارىنا كىرۋ مىندەتىن العا قويىپ وتىر. ءبىز مۇنىڭ باسەكەگە قابىلەتتى ادامي الەۋەتپەن عانا مۇمكىن بولاتىندىعىن تۇسىنەمىز» ، - دەدى گ. ءابدىقالىقوۆا.

ايتا كەتەيىك، نازاربايەۆ ۋنيۆەرسيتەتىندە ءوتىپ جاتقان حالىقارالىق شاراعا پارلامەنت دەپۋتاتتارى، مەملەكەتتىك ورگانداردىڭ، حالىقارالىق الەۋمەتتىك ينستيتۋتتاردىڭ وكىلدەرى قاتىسۋدا.

 اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى