پەلە برازيليادا فۋتبولدان الەم چەمپيوناتىنىڭ وتپەۋى مۇمكىن ەكەندىگىن ەسكەرتتى
سونداي-اق ول نارازىلىق بىلدىرۋشىلەردىڭ كوپتەگەن تالاپتارىمەن كەلىسەتىنىن دە مالىمدەدى.
ءبىراق پەلەنىڭ ايتۋىنشا، ولاردى قازىر ەمەس، برازيليا 2014-جىلعى الەم چەمپيوناتىن وتكىزۋ قۇقىعىنا يە بولعان كەزدە كوتەرۋ كەرەك ەدى.
بۇكىل ەل بويىنشا شەرۋگە شىعۋشىلار الەۋمەتتىك قاجەتتىلىكتەر مەن باسپاناعا قاجەتتى شىعىندى ۇلعايتۋدى تالاپ ەتىپ وتىر. ولار بيلىكتىڭ چەمپيوناتتى وتكىزۋگە ميللياردتاعان دوللار جۇمساعانىنا نارازى.
سونىمەن بىرگە، بۇرىنعى فۋتبولشى تۋرنيردىڭ باستالۋىنا نەبارى ءبىر ايدان از عانا ۋاقىت قالعانىمەن بىرنەشە ستاديوننىڭ ءالى دە دايىن ەمەستىگىنە الاڭداۋشىلىعىن ءبىلدىردى.
