شاراپتىڭ دەنساۋلىققا پايداسى بار ما؟
باتىس ەلدەرىندە «قىزىل شاراپتىڭ قاندى كوبەيتىپ، ءومىردى ۇزارتاتىنى» جايلى جالعان تۇسىنىكتىڭ قالىپتاسىپ قالعانى قاشان؟ جاقىندا دجون حوپكينگس ۋنيۆەرسيتەتى باسشىلىعىنىڭ ۇيىمداستىرۋىمەن ءبىر توپ عالىمدار ارنايى زەرتتەۋ-ساراپتاما جۇمىسىن جۇرگىزىپ، شاراپتىڭ شاش- ەتەكتەن پايداسى بار دەگەن تۇسىنىكتىڭ تەرىستىگىن عىلىمي تۇردە دالەلدەپ بەردى.
زەرتتەۋگە قاتىسقان 65 جاستان اسقان 783 جاننىڭ اعزاسىنداعى وزگەرىستەر قىزىل شاراپتىڭ ءومىر ۇزارتۋعا سەپتىگىن تيمەيتىنىن تايعا تاڭبا باسقانداي انىق كورسەتكەن. سونداي- اق، شاراپقۇمارلاردىڭ جۇرەك پەن ىسىك اۋرۋلارىنا شالىنۋ قاۋپى دە ەش ازايمايتىن كورىنەدى.
