استانادا ساقشى قىزمەتكەرىنە قول كوتەرگەن جۇرگىزۋشى قاماۋعا الىندى

قاداعالاۋ ورگانىنان حابارلاعانداي، 15 - مامىردا ماس كۇيىندە كولىك باسقارىپ كەلە جاتقان جۇرگىزۋشىنى پوليتسيا ينسپەكتورى توقتاتقان.

«ماس جۇرگىزۋشى اكىمشىلىك قۇقىقبۇزۋشىلىق تۋرالى قۇجاتتى راسىمدەپ جاتقان كەزدە قاتتى قارسىلىق ءبىلدىرىپ، بيلىك وكىلىنىڭ ءومىرى مەن دەنساۋلىعىنا قاۋىپ توندىرەتىن كۇش قولدانعان»، - دەلىنگەن حابارلامادا.

اتالمىش فاكتى بويىنشا قىلمىستىق ءىس قوزعالدى، ازاماتقا قىلمىستىق كودەكستىڭ 321-بابىنىڭ 2-بولىگىندە (بيلىك وكىلىنە قاتىستى كۇش قولدانۋ) كوزدەلگەن ايىپ تاعىلدى.

«19 - مامىردا №2 الماتى اۋداندىق سوتى تۇتقىنداۋ تۇرىندە بۇلتارتپاۋ شارالارىن قابىلداۋ تۋرالى تەرگەۋشىنىڭ ءوتىنىشىن قاناعاتتاندىردى، ايىپتالۋشى تەرگەۋ وقشاۋلاعىشىنا توعىتىلدى»، - دەپ حابارلادى باسپاءسوز قىزمەتىنەن.

قىلمىستىق ءىس بويىنشا تەرگەۋ استانا قالاسى الماتى اۋداندىق پروكۋراتۋراسىنىڭ باقىلاۋىندا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى