ارقانىڭ ايران-ءسۇتى رەسەيدە سۇرانىسقا يە

تۇگەل دەرلىك اۆتوماتتاندىرىلعان قۇرىلعىلار ادام كۇشىن كوپ تالاپ ەتپەيدى.

باستى قاعيدا -  باسەكەگە قابىلەتتى ساپالى ءونىم ءوندىرۋ. ول ءۇشىن بىلىكتى ماماننىڭ ءبىلىمدى كوزقاراسى قاجەت.

 ايگەرىم ماحمەتوۆا، زەرتحانا مامانى:

- الدىمەن ءسۇتتىڭ ساپاسىن تەكسەرەمىز. مايلىلىعىن، تىعىزدىعىن، ءسۇت قۇرامىنداعى سۋدىڭ مولشەرىن، جالپى تازا ءونىم بەرۋ ءۇشىن بارلىق جاعىنان مۇقيات زەرتتەلۋى كەرەك.

زەرتحانادان شىققان ءونىم مايلىلىعىنا قاراي بىرنەشە توپقا ءبولىنىپ، ارنايى اپپاراتتا قايناتىلادى. «قازاقستاندا جاسالعان» دەگەن بەلگىمەن شەتەل اسىپ، تۇتىنۋشىلارعا ۇسىنىلادى.

جاسۇلان ءابدىحالىق، ءتىلشى:

- سان مارتە سۇرىپتالىپ ساپاسى ارتقان تازا ءونىم قازىر رەسەي فەدەراتسياسىنىڭ استاناسى ماسكەۋ قالاسى مەن كروسنويارسك قالاسىنىڭ دۇكەن سورەلەرىندە تۇر. ناقتىلى كەزدە بۇل كومپانيا اپتاسىنا الپىس توننا ءسۇت ونىمدەرىن جونەلتۋدە. ونىڭ ىشىندە قايماق، بالالارعا ارنالعان ءتاتتى يوگۋرت، ايران جانە ءسۇت بار.

كومپانيا رەسەي نارىعىنا كەدەندىك وداق قۇرىلعان جىلى شىققان، ەندى ەۋرازيالىق وداق كەڭىستىگىندە قۇلاشىن كەڭگە سوزباق. وسى كۇنگە دەيىن ساپاسى مەن سالماعىن تۇسىرمەگەن ءوندىرۋشى ءونىمنىڭ 40 پايىزىن ەكسپورتتاپ وتىر.

 ۆالەريي ماناچينسكي، «MILK PROJECT» كومپانياسىنىڭ باس ديرەكتورى:

- ارينە، سونشا جەرگە ءونىم تاسمالداعاننان كەيىن رەسەيدە ونىڭ باعاسى دا جوعارى بولادى. ءبىراق ماسەلە ءونىمنىڭ تازا تابيعي ساپاسىندا. رەسەيدە وتە از تابيعي ءونىم. كوبىنەسە بەلارۋستەن كەلەتىن. ەندى قازاقستاننىڭ ونىڭ ىشىندە اقمولانىڭ تابيعي ايران-ءسۇتى ءىرى نارىققا شىعىپ وتىر.

ينتەرگراتسيانىڭ يگىلىگىن كورە باستاعان كاسىپورىنعا فرانسۋز فەرمەرلەرى دە قىزىعۋشىلىق بىلدىرگەن. قازاقستانداعى ءسۇت وندىرىسىمەن ەتەنە جاقىن تانىسۋعا كارى قۇرلىقتىڭ ماماندارى ارنايى كەلدى.

جان- پول بارە، «SODIAAL» كومپانياسىنىڭ كوممەرتسيالىق ديرەكتورى:

- بۇل ءبىزدىڭ قازاقستانعا العاش كەلۋىمىز. بىردەن بايقاعانىمىز مۇندا جۇمىس ىستەۋگە دەگەن ۇلكەن قۇلشىنىس بار ەكەن. ونىڭ ۇستىنە مەملەكەت تە ەكسپورتتى دامىتا وتىرىپ، يمپورتتى دا قابىلداۋدى جولعا قويىپتى. بۇل ينتەگراتسيالىق ۇلكەن ۇدەرىس. بولاشاقتا ءسۇت ونىمدەرى بويىنشا ورتاق جۇمىس ىستەيمىز دەپ ويلايمىن.

فرانسياداعى ءسۇت نارىعىنىڭ 25 پايىزىن جاۋىپ وتىرعان كوپپەراتيۆ 14 مىڭ فەرمەردىڭ باسىن بىرىكتىرىپ وتىر ەكەن. مۇنداي ىرىلەندىرۋ ساياساتى ءبىزدىڭ اۋىل شارۋاشىلىعى سالاسىندا دا ۇزدىكسىز كوتەرىلىپ كەلەدى. قالاي ايتساق تا، بۇعان دەيىن قازاقتىڭ قىمىزىن ءىشىپ، قايران قالعان كارى قۇرلىق ەندى ايران- ءسۇتىن ءىشىپ، تاڭداي قاعاتىن كۇنى دە الىس ەمەس.

 ءتىلشى: جاسۇلان ءابدىحالىق

baq.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى