قازاق وپەرا ءانشىسى يتالياندىقتاردى تامساندىردى

قازاقستاندىق وپەرا ءانشىسىنىڭ داۋىسى يتالياندىقتاردى تاڭ قالدىردى. ق ر ەڭبەك سىڭىرگەن ءارتىسى گ. دونيتسەتتيدىڭ «ليۋچيا دي لاممەرمۋر» وپەراسىنداعى ەنريكونىڭ پارتياسىنان ۇمىتكەرلەردىڭ ءبىرى بولعان.

بايعوجيننىڭ الەمدىك وپەرانىڭ ايگىلى انشىلەرى ونەر كورسەتەتىن «Arena di Verona» تەاترىندا بىردەن ءۇش پارتيانى ورىنداۋ مۇمكىندىگىنە قول جەتكىزۋى اسا زور قۋانىش، دەپ حابارلايدى «استانا وپەرا» تەاترىنىڭ باسپاءسوز قىزمەتىنەن.

وسىلايشا، ءانشى 2014-جىلى «دون جۋان» وپەراسىندا مازەتتو پارتياسىن، ال 2015-جىلى دج. روسسينيدىڭ «سيەۆيلدىك شاشتاراز» وپەراسىنداعى فيگارونى جانە گ. دونيتسەتتيدىڭ «ليۋچيا دي لاممەرمۋر» وپەراسىنداعى ەنريكو پارتيالارىن ورىندايدى.

«مەن باقىتتىمىن، ءوز ەلىمدى جانە ونىڭ اتىن لايىقتى قورعاي العانىمدى ماقتان تۇتامىن. قانشاما وپەرا ءانشىسى «Arena di Verona» تەاترىندا ءان شىرقاۋدى ارماندايدى» ،-دەيدى سۇندەت بايعوجين.

مۇنداي تىڭدالىمعا الەمنىڭ تۇكپىر- تۇكپىرىنەن كەلگەن وپەرا انشىلەرى قاتىسادى، سول سەبەپتى باستى پارتيانى ورىنداۋ مۇمكىندىگى ەكىنىڭ بىرىنە بۇيىرا بەرمەيتىن باق ەكەنىن اتاپ وتكەن ءجون. س. بايعوجين «Arena di Verona» تەاترىندا شىرقايتىن تۇڭعىش قازاق وپەرا ءانشىسى بولىپ تابىلادى، وسىنىڭ ءوزى قازاقستاننىڭ مادەني ومىرىندە ەلەۋلى وقيعا ەكەنى ءسوزسىز.

ەستەرىڭىزگە سالا كەتەيىك، وتكەن جىلدىڭ قاراشا ايىندا سۇندەت بايعوجين يتاليادا وتكەن وپەرا انشىلەرىنىڭ حالىقارالىق كونكۋرسىنا قاتىسىپ، ءوز نوميناتسياسى بويىنشا جەكەدارا ءبىرىنشى ورىندى يەلەنگەن جانە بۇل جەڭىس وعان دج. پۋچچينيدىڭ «بوگەما» وپەراسىندا باستى پارتيانى ورىنداۋ قۇقىعىن بەردى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى