مۇناي باعاسىنىڭ تومەندەۋى قازاقستاننىڭ جالپى ەكسپورتتان تۇسكەن پايداسىن ازايتىپ جىبەردى - ەكونوميكا مينيسترلىگى

بۇل تۋرالى بۇگىن ق ر پرەزيدەنتى جانىنداعى ورتالىق كوممۋنيكاتسيالار قىزمەتىندە ق ر ەكونوميكا جانە بيۋدجەتتىك جوسپارلاۋ مينيسترلىگى «ساۋدا ساياساتىن دامىتۋ ورتالىعى»  ا ق باسشىسى رۋسلان سۇلتانوۆ ءمالىم ەتتى.

«مۇنايدىڭ يمپورت- ەكسپورت ديناميكاسىنا قارايتىن بولساق، 2012  - جىلمەن سالىستىرعاندا بىلتىر مۇناي ەكسپورتىنىڭ كولەمى ازداپ تومەندەگەن. بۇعان بىلتىر سىرتقا شىعارىلاتىن قازاقستاندىق مۇناي باعاسىنىڭ 2 پايىزعا تومەندەۋى سەبەپ بولىپ وتىر.  مۇناي مەن گاز قازاقستاننىڭ سىرتقى ساۋداسىنىڭ 60-70 پايىزىن قۇرايتىنىن ەسكەرسەك، ونىڭ تەك 2 پايىزعا تومەندەۋى قازاقستاننىڭ جالپى ەكسپورتتىق پايداسىن 1,2 ميلليارد دوللارعا ازايتىپ جىبەردى»، - دەپ اتاپ ءوتتى ول.

ونىڭ ايتۋىنشا، ەكسپورتتىق پايدا كەمىگەنىمەن، كەدەندىك وداق ەلدەرى اراسىندا ساۋدا كولەمى جىلدان جىلعا سەرپىندى تۇردە ارتىپ كەلەدى.

اۆتور: جاسۇلان جولدىبايەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى