كۇللى تۇركى الەمى قازاقستاننىڭ لاتىن الىپبيىنە كوشۋىن كۇتىپ وتىر - ح. ديەۆەلي
بۇل تۋرالى بۇگىن "تۇركى جازۋى كۇنى" حالىقارالىق فورۋمىندا انكاراداعى يۋنۋس ەمرە ينستيتۋتىنىڭ ديرەكتورى حاياتي ديەۆەلي مالىمدەدى.
"تۇركى جازۋى كۇنى ازيا حالىقتارى ءۇشىن وتە ماڭىزدى، ويتكەنى ەلدەرىمىزدىڭ بىرىگۋى جانە ينتەگراتسيالانۋى ءۇشىن جان- جاقتى بايلانىس پەن قارىم- قاتىناس قاجەت. ونداي قارىم- قاتىناس ورناتۋ ورتاق جازۋىمىز بولسا، وڭايىراق بولاتىنى ءسوزسىز"، - دەيدى ح. ديەۆەلي.
ونىڭ ايتۋىنشا، قازىر تۇركى الەمىنىڭ نەگىزگى بولىگى لاتىن ءالىپبيىن قولدانۋدا.
"بارلىق تۇركى الەمىنىڭ ەدەرىندە ءبىرىڭعاي لاتىن ءالىپبيى بولۋى قاجەت. ءبىز سوعان ۇمتىلۋدامىز. قازىر قازاقستان مەن قىرعىزستاننان باسقاسىنىڭ بارلىعى وسى جازۋعا وتكەن. دەگەنمەن ءبىز بىلەمىز، بۇل ەلدەردە قىزۋ جۇمىس جۇرگىزىلىپ جاتىر. سوندىقتان جاقىن بولاشاقتا قازاقستان جاڭا لاتىن الىپبيىنە كوشەدى دەپ ۇمىتتەنەمىز"، - دەدى حاياتي ديەۆەلي.
اۆتور: ءابۋ- اسقار مەكەش ۇلى
