ارگۋن قالاسىندا ايرىقشا مەشىت اشىلدى
قوس قۋانىشتىڭ ءبىرى - قالاداعى «ارگۋن- سيتي» كەشەنىنىڭ اشىلۋى بولسا، ەندى ءبىرى - ەل باسشىسى رامزان قادىروۆتىڭ اناسى ايمان قادىروۆا اتىنداعى مەشىتتىڭ پايدالانۋعا بەرىلگەنى بولدى.
الدىن- الا حابارلانعانداي، اشىلۋ سالتاناتتارى باستالماس بۇرىن ءارتۇرلى جارىستار مەن سپورتتىق سايىستار ۇيىمداستىرىلىپ، اۋىلشارۋاشىلىق مەن جەڭىل ونەركاسىپ ونىمدەرىنىڭ كورمە- جارمەڭكەلەرى بولىپ ءوتتى.
شارا اياسىندا «جۇرەكتەن جۇرەككە» اتتى ماراون ۇيىمداستىرىلىپ، جەڭىمپازعا جەڭىل كولىكتىڭ تىزگىنى تاپسىرىلدى. جارىس احمات قاجى قادىروۆ اتىنداعى ورتالىق مەشىتتەن باستالىپ، جاڭادان اشىلعان ايمان قادىروۆا مەشىتىندە اياقتالدى.
قۇلشىلىق ورداسىنىڭ اشىلۋ سالتاناتىنا بەلگىلى ءدىن عالىمدارى دا قاتىسىپ، ءوز تىلەكتەستىكتەرىن ءبىلدىردى. مىسىر ەلىنەن كەلگەن الي دجيفري، ساييد ۋساما ال- ازحاري، ماروككالىق شەيح ءابدۋل- مۋنيم بين سيدديك سەكىلدى عالىمدار اتالمىش شارانىڭ ارنايى قوناقتارى رەتىندە قۇتتىقتاۋ لەبىزدەرىن جەتكىزدى.
قۇلشىلىق ورداسىنىڭ قۇرىلىس جۇمىستارى 2011 - جىلى باستالعان بولاتىن. جالپى اۋماعى 24 مىڭ شارشى مەتردى قۇرايدى.
