فۋتبولدان الەم چەمپيوناتىنىڭ رەسمي ءانۇرانىنىڭ بەينەبايانى جاريالاندى - كەسكىن
ونى عالامتورعا وسى ءاندى ايگىلى ءانشى دجەنيفەر لوپەسپەن جانە برازيليالىق ەسترادا جۇلدىزى كلاۋديا لەيتامەن بىرگە ورىندايتىن تانىمال امەريكاندىق پوپ ورىنداۋشى پيتبۋل جاريالاعان.
بۇل ءانۇران سان- پاۋلۋدا 12 - ماۋسىم كۇنى وتەتىن 2014 - جىلعى فۋتبولدان الەم چەمپيوناتىنىڭ اشىلۋ سالتاناتىندا ورىندالماق. ءاننىڭ رەسمي ەمەس نۇسقاسى عالامتوردا اقپان ايىندا جاريالانعانىن ەستەرىڭىزگە سالا كەتەيىك. ونىڭ رەسمي بەينەبايانىن ءتۇسىرۋ جۇمىستارى سول كەزدە باستالعان.
ايتا كەتەيىك، 2010 - جىلعى وڭتۇستىك افريكادا وتكەن چەمپيوناتتىڭ ءانۇرانى شاكيرانىڭ ورىنداۋىنداعى «Waka, Waka» ءانى بولعان ەدى. ال جالپى سىيلىق قورى 576 ميلليون دوللاردى قۇرايتىن فۋتبولدان بيىلعى الەم چەمپيوناتى 12 - ماۋسىم مەن 13 - شىلدە ارالىعىندا برازيليادا وتەدى.
