ءبىلىم جانە عىلىم مينيسترلىگى قازاقستاندىق ج و و «قارا ءتىزىمىن» شىعارادى
بۇل تۋرالى ءبىلىم جانە عىلىم ءمينيسترى اسلان ءسارىنجىپوۆ مالىمدەدى، دەپ حابارلايدى «ينتەرفاكس- قازاقستان» .
«ج و و تۇلەكتەرىنىڭ كوبىسى ەڭبەك نارىعىندا باسەكەگە قابىلەتتى بولماي شىعادى.
بۇل اسىرەسە، جەكە مەكشىككە ءتيىسىلى ۇساق وقۋ ورىندارىنىڭ تۇلەكتەرىنە قاتىستى»، - دەدى پارلامەنتتىڭ «تەحنيكالىق، كاسىپتىك جانە جوعارى ءبىلىم بەرۋ جۇيەسىندە ەكونوميكا سالالارى ءۇشىن كادرلار دايارلاۋدىڭ ساپاسى مەن پەرسپەكتيۆالارى» تىڭدالىمدارىنىڭ بارىسىندا ءبىلىم جانە عىلىم ءمينيسترى ءسارىنجىتوۆ.
«بىزدە وسىنداي 30 وقۋ ورنى بار. ولاردىڭ كوبىسى ۇلكەن قاۋىپتە تۇر. سونىمەن قاتار، مينيسترلىك جاقىن ارادا قاۋىپتى جاعدايدا تۇرعان جوعارى وقۋ ورىندارىنىڭ ءتىزىمىن شىعارماق. بۇل تۇلەكتەردىڭ دۇرىس شەشىم قابىلداۋدا سەپتىگىن تيگىزەدى»، - دەدى مينيستر.
اتالمىش وقۋ ورىندارىندا بىلىكتى ماماندار، وقۋ عيماراتتارى، قۇرىلعىلار، زەرتحانا، ادەبيەت، عىلىمي جۇمىستار جەتىسپەيدى. الداعى جىلدىڭ ەڭ باستى تالابى - ساپانى ارتتىرىپ، كەيبىر عىلىم وردالارىنىڭ جاعدايىن وڭتايلاندىرۋ - دەدى مينيستر.
