الماتىدا «جەر ءۇستى مەتروسى» سالىنادى

بۇلار - جۇردەك اۆتوبۋس دالىزدەرى جۇيەسىن (BRT -Bus rapid transit) ەنگىزۋ جانە جاڭا ۆەلوجول سالۋ، دەپ حابارلايدى الماتى قالاسى اكىمىنىڭ باسپا ءسوز قىزمەتى.

اكىم سوڭعى ەكى جىلدا قالانىڭ قوعامدىق كولىگى ەداۋىر دامىعاندىعىن اتاپ ءوتتى.

بولاشاقتا BRT ەنگىزۋ ۇدەمەلى جوبا قاتارىنا ەنۋى مۇمكىن. بۇل باعىت وربيتا ىقشام اۋدانىنان باستالىپ، قالانىڭ ورتالىعىنان شىعىس اينالما جولىنا شىعاتىن بولادى.

«بىزدە ۇيلەستىرىلگەن جول جۇيەسىن سالۋدىڭ پوتەنتسيالى ۇلكەن. كولىك كەپتەلىسىن ازايتۋ، قالا ەكولوگياسىن جاسقارتۋ، تاسىمال ساپاسىن ارتتىرۋ ءۇشىن قالادا العاشقى BRT دالىزدەرىن قۇرۋ جوسپارلانعان. الماتى بىرتىندەپ «تۇرۋعا جايلى قالا» كونتسەپتسياسىن جۇزەگە اسىرىپ كەلەدى»، - دەدى احمەتجان ەسىموۆ.

ءوز كەزەگىندە كولىك ينفراقۇرىلىمىن دامىتۋ بويىنشا حالىقارالىق ساراپتاماشى ەريك ترەلل BRT جۇيەسىنىڭ «جەر ءۇستى مەترو» اتالاتىندىعىن، مۇندا ج ر ت جىلدامدىعى قامتاماسىز ەتىلەتىندىگىن، باعانى تومەن ءارى اۆتوبۋس جەلىسىنىڭ قاراپايىم ەكەندىگىن جەتكىزدى.

قالا باسشىسىنا ۆەلوينفراقۇرىلىمدى دامىتۋ جوباسى دا كورسەتىلدى.

الماتىدا تۇرعىندار اراسىندا ۆەلوسيپەدكە دەگەن قىزىعۋشىلىقتىڭ ارتۋىنا قاتىستى ۆەلوجولدار سانى ارتا تۇسۋدە. مىسالى، ۇسىنىلعان جوبا بويىنشا جاڭا ۆەلوجولدىڭ ۇزىندىعى  5 ك م. بولماق جانە ول تيميريازيەۆ پەن بايتۇرسىنوۆ كوشەلەرىن باسىپ ءوتىپ، اباي داڭعىلىنداعى بۇرىننان بار ۆەلوجولمەن توعىسادى.

جيىن سوڭىندا قالا باسشىسى ءتيىستى قۇرىلىمدارعا ۇسىنىلعان جوبالاردى تەرەڭ زەرتتەپ، ماقۇلداپ، بەكىتۋدى تاپسىردى.

«الماتى» تەلەارناسى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى