باتىس قازاقستاندىق شارۋا جاڭا تۇقىم سەپكىش جاساپ شىعاردى

جەردى جىرتىپ كەلە جاتىپ، ءداندى 6 سانتيمەترگە دەيىنگى تەرەڭدىككە تاستاپ، ءبىر مەزگىلدە ۇستىنەن ءوزى جاۋىپ وتىرادى.

ورالدىق فەرمەر ويلاپ تاپقان بۇل جاڭا تەحنيكا ءساۋىر ايىنان بەرى ءوزىنىڭ ەگىس القابىندا جۇيىتكىپ ءجۇر.

رامين كابۋيەۆ بۇل تۇقىم سەپكىشتى جاساپ شىعارۋ ءۇشىن كوپ شىعىندانعان جوق.

ونى ەسكىرگەن اۋىلشارۋاشىلىعى تەحنيكالارىنىڭ بولشەكتەرىنەن قۇراستىرىپ العان. ۇزىندىعى 6 مەتردى قۇرايدى.

سوسىن تراكتورعا وتە جەڭىل. ساعاتىنا 20 شاقىرىم جىلدامدىقپەن تۇقىم سەبە الادى. بۇرىنعى تەحنيكالاردان ەكى-ءۇش ەسە جىلدام جۇرەتىن ونىڭ ودان وزگە دە ارتىقشىلىقتارى بار.

رامين كابۋيەۆ، فەرمەر:

- جەردەگى ىلعالدىلىق 40  پايىز شاماسىندا بولعاندا دا ەگىس القابىنا شىعا الادى. ال وزگەلەر بولسا، ىلعالدىلىقتىڭ 25 پايىزعا ءتۇسۋىن كۇتەدى. اۋا رايى قالاي قۇبىلسا دا، بۇل تەحنيكامەن جۇمىستى توقتاتپايمىز. سوندىقتان ەگىس ناۋقانىن ەرتە كوكتەمنەن باستايمىز. جاڭبىردا، ارام ءشوپ باسىپ كەتكەن القاپتاردا دا ەش قينالمايدى. شىعىن از دەپ ايتۋعا بولادى.

شارۋا بۇل تۇقىم سەپكىشتى قوستانايداعى اۋىلشارۋاشىلىعى ماشينالارىن سىنايتىن ستانسانىڭ ماماندارىمەن بىرگە سىناقتان وتكىزگەن. وندا 4 مىڭ گەكتار ەگىس القابىنا ءدان سەۋىپ كورگەندە ەشبىر اقاۋ تابىلماعان.

ارمان اتاقانوۆ، مەحانيزاتور:

- ۇستىنە ءۇش بۋنكەر ورنالاستىردىق. جىرتقاندا ءشوپتىڭ ءبارىن كەسىپ، جەر استىنا جىبەرەدى. ول تىڭايتقىش بولىپ قالادى. بۇزىلاتىن ەشتەمەسى جوق. مايلايتىن جەرلەرى دە از، تەحنيكا وتە قاراپايىم.

شارۋا كوكتەمگى ەگىس ناۋقانىن بيىل 18 - ساۋىردە باستاپتى. باتىس قازاقستان وبلىسىنا كوكتەم كەش كەلەدى. سوندىقتان مۇندا كوكتەمگى دالالىق جۇمىستار ءالى ءجۇرىپ جاتىر. قازىر ەشكىمنىڭ جازدىق بيدايى شىعا قويعان جوق. ال راميننىڭ ەگىس القابىنداعى جازدىق ءداندى داقىلدار جاپ-جاسىل بولىپ تۇر. بۇل دا شارۋانىڭ ءوزى جاساپ شىعارعان جاڭا تەحنيكانىڭ ءبىر ارتىقشىلىعى بولىپ سانالادى.

قازىر ول تراكتور قۇراستىرۋدا. كۇزگە تامان ونى دا جاساپ شىعارادى.

24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى