قازاقستان جاڭا جىبەك جولى ارقىلى ارىپتەستىك قاتىناستى دامىتاتىن بولادى

 جاڭا جىبەك جولى ازيا - تىنىق مۇحيتى ايماقتارىن بىرىكتىرىپ قانا قويماي، ولاردىڭ ەكونوميكاسىن جاقسارتۋعا مۇمكىندىك بەرەدى. ولار - قىتاي، ءۇندىستان، جاپونيا، كورەيا ەلدەرى جانە، ارينە، قازاقستان.

 جاڭا جىبەك جولى ازيانى ەۋروپامەن بىرىكتىرەدى. ونىڭ دامۋى - الەمدىك ەكونوميكا تاريحىنداعى جاڭا تارماق. ازيا- تىنىق مۇحيتى ءوڭىرى بۇگىنگى كۇنى الەمدەگى قارقىندى دامىپ كەلە جاتقان ايماقتىڭ ءبىرى. ونىڭ ۇستىنە حالقىنىڭ كوپتىگى نازار اۋدارارلىق. مۇندا 3,5 ميللياردقا جۋىق حالىق بار.

 ساراپشىلاردىڭ پىكىرىنشە، كوپتەگەن ەۋروپالىق نارىق الداعى بىرنەشە ونجىلدىقتا ازياعا بەت بۇراتىن بولادى، ويتكەنى سۇرانىس جوعارى.

 ازيا ەكونوميكاسىنىڭ دامۋىنا قاتىستى وپتيميستىك كوزقاراسقا سۇيەنسەك، 2050 - جىلعا قاراي ءى ج ءو 174 تىريلليون ا ق ش دوللارىنا دەيىن وسەدى. وتكەن جىلى ول 18,5 تىريلليون دوللاردى قۇراعان بولاتىن. وسى رەتتە امەريكا قۇراما شتاتتارىنىڭ ءج ءى ءو 2013 - جىلى 16 تىريلليون دوللاردى قۇراعانان اتاپ وتكەن ءجون. بۇل الداعى ۋاقىتتا ازيا ەلدەرىنىڭ جالپى الەمدىك ءج ى ءو- ءنىڭ تەڭ جارتىسىن قامتيتىنىن كورسەتەدى.

 سوندىقتان، بۇدان بۇرىن استانادا وتكەن ازيا دامۋ بانكى باسقارۋشىلار كەڭەسىنىڭ جىل سايىنعى ماجىلىسىندە جاڭا جىبەك جولىن جانداندىرۋ ماسەلەسى تالقىلانۋىنىڭ ءمانى زور.

 سانكت- پەتەربوردان قىتايدىڭ تەڭىز پورتتارىنا دەيىنگى جاڭا ءىرى كولىك ماگيسترالدارى، ءو ا ا ە ق دالىزدەرى جانە ينفراقۇرىلىمدى دامىتۋ - وسىنىڭ بارلىعى ازيا ەلدەرىنە الەمدىك ساۋدانى دامىتۋعا كوشباسشى بولۋعا مۇمكىندىك بەرەدى. ول ءۇشىن ەلدەر بىرگىپ قانا قويماي، حالىقارالىق قارجىلىق ينستيتۋتتارمەن، سونىڭ ىشىندە ءا د ب- مەن ەتەنە ىنتىماقتاستىق ورناتۋى قاجەت. مىسالى، تەك عانا قازاقستاننىڭ ءوزى سوڭعى جىلدارى وسى قارجىلىق ينستيتۋتتارمەن ىنتىماقتاستىق ارقاسىندا ميللياردتاعان دوللارعا ونداعان جوبالاردى جۇزەگە اسىردى. ونىڭ سوڭعىلارىنىڭ ءبىرى - كەلەر جىلى قۇرىلىسى اياقتالاتىن «باتىس ەۋروپا - باتىس قىتاي» كولىك ءدالىزى. ول كولىك جولدارى بويىنشا جۇكتەردى تاسىمالداۋ ۋاقىتىن بىرنەشە ايدان ەكى اپتاعا دەيىن قىسقارتادى.

 ينتەگراتسيا، ينتەگراتسيا، تاعى دا ينتەگراتسيا. اشىقتىققا عانا ەمەس، ءوزارا تابىس جانە تەڭدىك پرينتسيپتەرىنە نەگىزدەلگەن ىقپالداستىق دامۋدىڭ ەڭ سەنىمدى قۇرالى. وسى ينتەگراتسيالىق پروتسەستەر جاڭا جىبەك جولىنىڭ اينالاسىندا دامۋى قاجەت.

 بۇل جەردە قازاقستان جىبەك جولىن دامىتۋ يدەياسىن كوتەرۋشى عانا ەمەس، سونىمەن قاتار، جۇزەگە اسىرۋشى بولىپ تابىلادى. ول ءبىزدىڭ ەلىمىزدىڭ وسى ءوڭىردىڭ ورتالىعىندا ورنالاسقانىنا عانا ەمەس، ايماقتا كوشباسشىلىق پوزيتسيادا ەكەندىگىنە دە تىكەلەي بايلانىستى. قازاقستان ەڭ ەكونوميكاسى تۇراقتى ەلدەردىڭ ءبىرى. وعان قوسا، ءبىزدىڭ ەلىمىزدىڭ ازيا دامۋ بانكىمەن ىنتىماقتاس بولعانى، سوڭعى جىلدارى دونور رەتىندە قاتىسۋى دا ايتۋعا تۇرارلىق ماڭىزدى. ينۆەستيتسيا كولەمى بەس ميلليارد دوللارعا جۋىقتايدى.

 سونىمەن قاتار ءماجىلىس بارىسىندا قازاقستان بانكپەن تاعى ءبىر نەگىزدەمەلىك كەلىسىمگە قول قويدى. ءا د ب قازاقستانعا شاعىن جانە ورتا بيزنەستى دامىتۋعا، يندۋستريالىق ساياساتتى جانە بانكتىك سەكتوردى دامىتۋعا كومەكتەسەدى. بىرلەسكەن ينۆەستيتسيا كولەمى 7 ميلليارد دوللارعا جۋىق بولماق (5,5 ميلليارد قازاقستاننان، قالعانى - ءا د ب- دان) .

 وسىنىڭ بارلىعى جاڭا جىبەك جولىنىڭ ماڭىزدىلىعى مەن قاجەتتىلىگىن ايقىنداي تۇسەدى جانە ورتالىق ازيا ايماقتارى ونى دامىتۋ ءۇشىن بارلىق مۇمكىندىكتى جاسايتىن بولادى. 

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى