جاپونيا ءومىر ءسۇرۋ ۇزاقتىعى بويىنشا الەمدە ءبىرىنشى ورىندا كەلەدى

جاپوندىق ەرلەر شۆەيتساريامەن بىرگە 8-ورىنعا جايعاستى.

جاپونيا 20  جىلدان اسا ۋاقىت بويى ءبىرىنشى ورىندا كەلەدى.

ول جاقتىڭ ەرلەرى تەمەكىنى كوپ شەككەسىن وزگە ەلدەر ولاردىڭ الدىن وراعىتىپ كەتەتىن شىعار دەپ كۇتىلگەن بولاتىن.

بۇكىل الەمدەگى ەرتە ءولىمنىڭ سەبەبى - جۇرەكتىڭ يشەميالىق اۋرۋى، تومەنگى تىنىس الۋ جولدارىنىڭ ينفەكتسيالارى جانە ينسۋلت. قازىرگى ۋاقىتتا جاپونياداعى ءومىر ءسۇرۋ ۇزاقتىعى ايەلدەر ءۇشىن - 87 جاس، ەرلەر ءۇشىن - 80. ەرلەر اراسىنداعى ەڭ جوعارى ورتاشا ءومىر ءسۇرۋ جاسى يسلانديادا تىركەلگەن - 81,2 جاس.

ودان كەيىنگى ورىندا - شۆەيتساريا مەن اۆستراليا، سايكەسىنشە 80,7 جانە 80,5. جاپونيانىڭ الدىندا سونىمەن بىرگە، يزرايل، سينگاپۋر، جاڭا زەلانديا مەن يتاليا ورنالاسقان. جالپى، الەمدىك ورتاشا ءومىر ءسۇرۋ ۇزاقتىعى ەرلەر ءۇشىن 68,1 جاستى جانە ايەلدەر ءۇشىن 72,7 جاستى قۇرايدى.

افريكا ەلدەرىندە سازارانىڭ وڭتۇستىگىنە قاراي، ورتالىق افريكا رەسپۋبليكاسى مەن كونگو دەموكراتيالىق رەسپۋبليكاسىنداعى جاعداي مۇلدە باسقاشا. ول ەلدەردە ەرلەر مەن ايەلدەر اراسىنداعى ورتاشا ءومىر ءسۇرۋ جاسى بۇرىنعىشا 55 تەن تومەن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى