استانا بازارلارىنداعى كەمشىلىكتەر مەن بۇزۋشىلىقتار انىقتالادى
شارانىڭ باستى ماقساتى - قالالىق بازارلارداعى ساۋدا ورىندارىنىڭ قىزمەتىندەگى كەمشىلىكتەر مەن بۇزۋشىلىقتاردى انىقتاۋ.
بۇل تۋرالى astana.kz سايتىنا استانا قالاسىنىڭ كاسىپكەرلىك جانە ونەركاسىپ باسقارماسىنان حابارلادى.
«مونيتورينگ جۇرگىزۋ جانە انىقتالعان كەمشىلىكتەر مەن بۇزۋشىلىقتاردى جويۋ ءۇشىن قازاقستان رەسپۋبليكاسىنىڭ ۇكىمەتىنىڭ «ساۋدا بازارلارىنىڭ قىزمەتىن ۇيىمداستىرۋ ەرەجەلەرىن بەكىتۋ تۋرالى» قاۋلىسىنا سايكەس ارنايى جۇمىس توپتارى قۇرىلدى. ونىڭ قۇرامىنا قالالىق كاسىپكەرلىك جانە ونەركاسىپ باسقارماسىنىڭ وكىلدەرى ەندى.
جۇمىس توبىنىڭ مۇشەلەرى كۇن سايىن ەلوردالىق نارىقتاردى ارالاپ، بۇزۋشىلىقتاردى تىركەيدى، سونداي- اق، كاسىپكەرلەرمەن ءتۇسىندىرۋ جۇمىستارىن جۇرگىزەدى. ال كاسىپكەرلەر ءوز كەزەگىندە، اتالعان بۇزۋشىلىقتاردى شۇعىل ارادا جويىپ، اتقارىلعان جۇمىستار تۋرالى ەسەپتەرىن ۇسىنۋى كەرەك.
وسى وكىمنىڭ ورىندالۋىن باقىلاۋ استانا قالاسى اكىمىنىڭ ورىنباسارى قانات سۇلتانبەكوۆكە جۇكتەلدى. تەكسەرۋ جۇمىستارى اياقتالعان سوڭ ەلوردالىق بازارلاردىڭ جاعدايىنا جالپى تالداۋ جاسالادى»، - دەپ جازىلعان حابارلامادا.
