ا ق ش-قا وقۋعا كەتكەن ستۋدەنتتىڭ ءتىرى نە ءولىسى بەلگىسىز

2009 - جىلى ا ق ش-تىڭ تەحاس شتاتىنا وقۋعا كەتكەن ماقسات ايتبايەۆ ءوز-وزىنە قول جۇمسادى دەگەن حابار كەلگەن.

ونىڭ ءولىمىن راستايتىن قۇجاتتى سۇراپ، دەنيستىڭ بارماعان جەرى جوق. دوسىنىڭ قايدا جەرلەنگەنىن دە بىلمەيدى. دەنيس پەن ماقسات بالالار ۇيىندە بىرگە وسكەن. 2009 - جىلى مۇحيت اسىپ، قايتا ورالماعان ماقساتتى ولىمگە قيماي ءجۇر. Work and Travel باعدارلاماسى بويىنشا وقۋعا كەتكەن ماقساتتىڭ ءوزىن-ءوزى ولتىرگەنىنە دە سەنبەيدى. ديپلوم الۋىنا 1 اي قالعاندا ونداي قادامعا بارۋى مۇمكىن ەمەستىگىن ايتادى.

دەنيس ناۆانوۆ، م. ايتبايەۆتىڭ دوسى:

- ونىڭ جوسپارى كوپ بولاتىن، ەلگە ورالىپ، ديپلومىن الىپ، جۇمىسقا ورنالاسقىسى كەلدى. ءوزى تاڭداعان ماماندىعى بويىنشا ەڭبەك ەتكىسى كەلەتىن. بىرنەشە ءتىلدى مەڭگەرىپ، اۋدارماشى بولۋدى ارماندادى.

قازاقستاندىق ستۋدەنتتىڭ ءولىمى تۋرالى امەريكا باسىلىمدارى جازدى. ونىڭ كۇيزەلىسكە ۇشىراپ، وزىنە قول جۇمساعانىن پوليتسياسى دا راستاعان. الايدا رەسمي قۇجات بولماعاننان كەيىن، ماقسات اقتوبەدە تىرىلەر تىزىمىندە تۇر. جەر الۋ كەزەگى دا جاقىنداعان.

جانارگۇل دۇيسەكەنوۆا، اقتوبە قالالىق ت ك ش ءبولىمىنىڭ تۇرعىن ءۇي قورى سەكتورىنىڭ مەڭگەرۋشىسى:

- اۋىزشا مالىمەت بويىنشا، ماقسات قايتىس بولدى. الايدا بىزدە قازىرگى تاڭدا رەسمي قۇجات جوق. وسىعان سايكەس ءبىز قازىرگى تاڭدا ماقساتتى كەزەكتەن الىپ تاستاي المايمىز.

سىرتقى ىستەر مينيسترلىگى بۇل ماسەلە تۋرالى سۇحبات بەرمەدى. الايدا ماقساتتىڭ ىزدەۋشىسىنە بارلىق اقپاراتتى بەرۋگە دايىن. ستۋدەنتتىڭ ءولىمى 2010 - جىلدان بەرى تەكسەرىلگەن. تابانىنان تاۋسىلعان دەنيس تىم بولماسا دوسىنىڭ زيراتىن كورگىسى كەلەدى. دەنەسىن تۋعان جەرىنە اكەلىپ، قايتا جەرلەنگەنىن قالايدى.

اۆتورلار: اقساۋلە بايمەنشينا، بولات مولداعاليەۆ

24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى