ماس كۇيىندە كولىك جۇرگىزگەن لاۋازىمدى قىزمەتكەر ۇستالدى

وبلىستىق ىشكى ىستەر دەپارتامەنتىنىڭ باسپاءسوز قىزمەتى حابارلاعانىنداي، ونىڭ قۇجاتتارىن تەكسەرۋ كەزىندە جۇرگىزۋشىلىك جانە كولىك قۇرالىن تىركەۋ تۋرالى كۋالىگى بولماعان.

وسىعان بايلانىستى جۇرگىزۋشىگە قاتىستى قازاقستان رەسپۋبليكاسى اكىمشىلىك قۇقىق بۇزۋشىلىق كودەكسىنىڭ 470-بابى 1-ءبولىمى (قولىندا جۇرگىزۋ قۇقىعىنا جۇرگىزۋشىلىك كۋالىگى جانە كولىك قۇرالىنا يەلىك ەتۋگە، قولدانۋعا، باسقارۋعا قۇجاتتارى جوق جۇرگىزۋشىنىڭ كولىك قۇرالىن باسقارۋى) بويىنشا اكىمشىلىك ءوندىرىس قوزعالدى.

سونداي- اق، اۆتوماشيناعا جالعان مەملەكەتتىك تىركەۋ نومىرلىك بەلگىسى ورناتىلعان. جالعان مەملەكەتتىك ءنومىر قوندىرىپ، كولىك قۇرالىن باسقارعانى ءۇشىن جۇرگىزۋشىگە قاتىستى قازاقستان رەسپۋبليكاسى اكىمشىلىك قۇقىق بۇزۋشىلىق تۋرالى كودەكسىنىڭ 461-بابى 3-ءبولىمى (كولىك قۇرالىنا كورىنەۋ جالعان نەمەسە قولدان جاسالعان مەملەكەتتىك تىركەۋ ءنومىرىنىڭ بەلگىلەرىن (بەلگىسىن) ورناتۋ) جانە 461-بابى 3-ءبولىمى (كورىنەۋ جالعان نەمەسە قولدان جاسالعان مەملەكەتتىك تىركەۋ ءنومىرىنىڭ بەلگىلەرى (بەلگىسى) بار كولىك قۇرالىن جۇرگىزۋ) بويىنشا اكىمشىلىك ءوندىرىس قوزعالدى.

اتالعان اكىمشىلىك ماتەريالداردى تولتىرۋ كەزىندە ۇستالعان ادامنان الكوگولدىڭ ءيىسى شىقتى. كولىك قۇرالىن ىشىمدىك ىشكەن ماس كۇيىندە ايدادى دەگەن كۇدىك بويىنشا جۇرگىزۋشى وبلىستىق ناركولوگيالىق ديسپانسەرگە مەديتسينالىق تەكسەرۋدەن وتۋگە جولداندى. دارىگەر-ناركولوگتىڭ قورىتىندىسىنا سايكەس جۇرگىزۋشىگە «جەڭىل دارەجەدە الكوگول ىشكەن» دەگەن دياگنوز قويىلدى.

بۇل فاكتى بويىنشا قازاقستان رەسپۋبليكاسى اكىمشىلىك قۇقىق بۇزۋشىلىق تۋرالى كودەكسىنىڭ 467-بابى 1-ءبولىمى (جۇرگىزۋشىنىڭ الكوگولدەن ماس كۇيىندە كولىك قۇرالىن جۇرگىزۋى) بويىنشا اكىمشىلىك ءوندىرىس قوزعالدى.

جيناقتالعان بارلىق ماتەريالدار زاڭدا بەلگىلەنگەن تارتىپپەن سوتقا جولداناتىن بولادى.

اۆتور: ەلجان ەرالى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى