اناسىن بالاعاتتاعان قىزى ءۇش تاۋلىككە قاماۋعا الىندى
اراققا سىلقيا تويىپ العان ايەل ۇيىنە كەلىپ جانجال شىعارعان.
ونى ساباسىنا تۇسىرمەك بولعان اناسىنىڭ سوزىنە قۇلاق اسپاپتى. ءتىپتى، اۋزىنا كەلگەندى ايتىپ، بالاعاتتاعان.
ءوز قىزىنىڭ بۇل سوراقى قىلىعىنا شىداماعان اناسى ءتارتىپ ساقشىلارىنىڭ كومەگىنە جۇگىنەدى. اقىرى ءىس اكىمشىلىك سوتتا قارالىپ، ءۇش تاۋلىككە قاماۋعا الىندى.
سوڭعى كەزدەرى مۇنداي وقيعالار وڭىردە جيىلەپ كەتكەن. دەگەنمەن، جاقىندارىنا جانجال شىعارىپ، بالاعاتتايتىنداردىڭ دەنى ەر ازاماتتار ەكەن.
اتاپ وتەلىك، ناۋرىز ايىنىڭ سوڭىندا قوبدا اۋىلىندا ءوز اتا-اناسىن بالاعاتتاعان ەركەك 10 تاۋلىككە اباقتىعا قامالدى. ەندى نازىك جاندىلار دا ولاردان قالىسپايتىن ءتۇرى بار.
اقسۇڭقار ازات
