قىتايدا قۇزدان سەكىرگەن قويلار ءوز-وزىنە قول سالدى ما؟
نۇردوللا ەسىمدى مالشى تاڭەرتەڭ قويلارىن كۇندەگىدەي ورىسكە شىعارىپ، جايىلعان مالدىڭ سوڭىنان باياۋ باسىپ كەلە جاتقان، كەنەتتەن، نە سەبەپتەن ەكەنى بەلگىسىز، ەڭ الدىدا كەتىپ بارا جاتقان قوي قۇزدان قۇلاپ كەتكەن، ىلە - شالا، سوڭىنداعى قويلار وعان ىلەسە بيىك جاردان ءبىر - بىرلەپ سەكىرە بەرگەن.
باستابىندا نە بولعانىن اڭعارماي قالعان مالشى، بۇل جاعدايدى بايقاعان سوڭ، قويلارىن قايىرماقتاعان بولسا دا، قويلار جاردان سەكىرە بەرگەن.
ول ۇيىندەگىلەرگە دەرەۋ تەلەفون جالعاپ، قىستاقتاعى قىزمەت گرۋپپاسىن كومەكتەسۋگە شاقىرعان. ولار ءىس تۋىلعان جەرگە بارعاندا، قويلاردىڭ ولەكسەسىنىڭ جاردىڭ تۇبىندەگى تاستاقتى جەرگە ءۇيىلىپ قالعانىن كورگەن، سوڭىنا الا سەكىرگەن قويلار الدىمەن سەكىرگەن قويلاردىڭ ۇستىنە تۇسكەندىكتەن ءتىرى قالعان، ءبىراق، ءبىرىنىڭ اياعى اقساپ، ءبىرىنىڭ اۋزىنان اق كوبىك اعىپ، سۇرەپەتى كەتكەن.
ساناققا قاراعاندا، 59 تۇياق قوي قۇزدان سەكىرگەن، 44 تۇياق قوي ولگەن، 15 تۇياق قوي جارالانعان. مال يەسىنىڭ تىكەلەي ەكونوميكالىق زيانى 90 مىڭ يۋانعا جەتكەن.
بۇل قويلاردىڭ ءوز-وزىنە قول سالۋىما الدە كەزدەيسوقتىقپا كىم ءبىلسىن؟
جانۋارلاردىڭ ىشىندە كيتتەر ، قۇستاردىڭ ىشىندە كارى قىران مەن اققۋ، اڭداردىڭ ىشىندە تۇلكىلەر. سىڭارىنان ايرىلعان اققۋ ءوز وزىنە قول جۇمسايدى ەكەن. ال تۇلكىلەردىڭ كارىلەرى ءۇيىردىڭ جاس تۇلكىلەرىنە ازىق جەتسىن دەگەن ويمەن ۇيىردەن كەتەدى ەكەن. كيتتەر جاعاعا شىعىپ كەتتىپ ولەدى ەكەن ، ءبىراق ءوز قالاۋىمەن بە الدە ابايسىزدان با ؟ كىم ءبىلسىن) بۇنداي جاعىدايلار تەك ادامداردىڭ اراسىندا ەمەس جان جانۋارلاردىڭ اراسىندادا كەزدەسەدى. ءبىراق ادامدار سەكىلدى قيىندىقتان قاشىپ، تاعدىردىڭ سىناقتارىن كوتەرە الماي ەمەس، كەرىسىنشە ابىرويمەن ، كەلەشەك ۇرپاقتارى ءۇشىن جانكەشتىلىكپەن ولەدى!
