زىمىران اپاتى قازاقستان اۋماعىنان تىس جەردە ورىن الدى - قازعارىش
وسىعان دەيىن حابارلانعانداي، ول ۇشىرىلعاننان كەيىن 540 - سەكۋندتا كۇتپەگەن جاعداي ورىن العان: زىمىران- تاسىعىشتىڭ 3-ساتىسىنىڭ قوزعالتقىشى اپاتتى تۇردە ىستەن شىعىپ، سالدارىنان عارىش كەمەسىمەن بايلانىس ءۇزىلدى.
«قازعارىش» ءتوراعاسىنىڭ ورىنباسارى ەركىن شايماعامبەتوۆتىڭ حابارلاۋىنشا، «ەكسپرەسس- АМ4Р» سەرىگىن شىعارۋعا بايلانىستى تۋىنداعان شۇعىل جاعداي تۋرالى بايقوڭىرداعى رەسەيدىڭ جەرءۇستى عارىش ينفراقۇرىلىمىن پايدالانۋ ورتالىعىنىڭ باسشىلىعى ق ر ۇلتتىق عارىش اگەنتتىگىنە دەرەۋ حابارلاعان.
ج ع ي پ و- نىڭ اقپاراتتىق حابارلاماسىندا «پروتون- م» زىمىران- تاسىعىشىنىڭ 3-ساتىسىنىڭ اپاتتىق ىستەن شىعۋى قازاقستان اۋماعىنان تىس جەردە ورىن العانى اتاپ وتىلگەن.
«بايقوڭىردان ۇشىرىلۋ شتاتتى بولدى، سونىمەن بىرگە عارىش كەمەسىنىڭ ءبىرىنشى ساتىسى شتاتتى رەجيمدە قاراعاندى وبلىسىنىڭ ۇستىنەن ۇشىپ بارا جاتقاندا اجىرادى. زىمىراننىڭ ەكىنشى ساتىسى رەسەيدىڭ التاي ولكەسىنىڭ ۇستىندە اجىراپ، تىنىق مۇحيتىنىڭ ۇستىندە ءۇشىنشى ساتىسىنىڭ اجىراۋى كەزىندە اپات ورىن الدى» ، - دەپ ءتۇسىندىردى جاعدايدى ە. شايماعامبەتوۆ. ول قازاقستان ەكولوگياسىنا ەشقانداي زيان كەلمەگەنىن اتاپ ءوتتى.
«رەسەي عارىشتىڭ» باسپا ءسوز قىزمەتىنىڭ اقپاراتى بويىنشا، ارنايى قۇرىلعان كوميسسيانىڭ وكىلدەرى قازىر تەلەمەتريكالىق اقپاراتتى ساراپتاپ، اپاتتىڭ ورىن الۋ سەبەپتەرىن انىقتاپ جاتىر.
