د. نازاربايەۆا: جاستار ءبىلىم ءۇشىن ەمەس، ديپلوم ءۇشىن وقۋعا بارادى
بۇگىن ق ر پارلامەنتى ماجىلىسىندەگى «تەحنيكالىق جانە كاسىپتىك، جوعارى ءبىلىم بەرۋ جۇيەسىندە ەكونوميكا سالالارى ءۇشىن كادرلار دايارلاۋدىڭ ساپاسى مەن پەرسپەكتيۆالارى تۋرالى» پارلامەنتتىك تىڭداۋ بارىسىندا ق ر پارلامەنتى ءماجىلىسى ءتوراعاسىنىڭ ورىنباسارى داريعا نازاربايەۆا وسىلاي دەدى.
«جەمقورلىق ءبىلىم بەرۋدىڭ بارلىق سالاسىنداعى جۇيەلى پروبلەماعا اينالعانىن مويىنداۋىمىز كەرەك. سونىڭ سالدارىنان ءبىلىم الۋشىلاردىڭ ىنتاسى تومەن. ولار كۋرستىق جۇمىس جازۋعا ۋاقىتىن كەتىرگەنشە، اقشا تولەي سالعاندى ءجون سانايدى. جاستاردىڭ ءبىر بولىگى كوللەدجدەر مەن جوعارى وقۋ ورىندارىنا ءبىلىم الۋ ءۇشىن ەمەس، ديپلوم الۋ ءۇشىن بارادى» ، - دەدى د. نازاربايەۆا.
سونىمەن قاتار ونىڭ اتاپ وتۋىنشە، ءبىلىم بەرۋ سالاسىن جاپپاي كوممەرتسيالاندىرۋ سالدارىنان كوپتەگەن مەملەكەتتىك جانە مەملەكەتتىك ەمەس ءبىلىم بەرۋ مەكەمەلەرى ءبىلىم بەرۋ سالاسىنا تابىس تابۋ كوزى رەتىندە قارايتىن بولدى.
«ولار كوممەرتسيالىق الىمداردان تۇسەتىن قاس- قاعىمدىق اقشا تۇسىمدەرىمەن ءومىر سۇرۋدە، ءبىلىم بەرۋ ساپاسىنا قامقورلىق جاسامايدى. ال عىلىمي زەرتتەۋلەر جايىندا ءسوز قوزعاۋدىڭ ءوزى ارتىق. قوعام رەفورمادان قاجەتتى تيىمدىلىك كورىپ وتىرعان جوق» ، - دەدى ءماجىلىس ءتوراعاسىنىڭ ورىنباسارى.
اۆتور: مارلان جيەمباي
