ا ق ش دارىگەرلەرى قاتەرلى ىسىكتى تولىقتاي ەمدەپ شىقتى

 The Washington Post گازەتىنىڭ حابارلاۋىنشا، 50 جاستاعى ميننەسوتالىق تۇرعىن ستەيسي ەرحولتس جىلىك مايىنىڭ راگىنا شالدىققان.

ىسىكتى ەمدەۋدىڭ ءداستۇرلى تۇرلەرى ناۋقاسقا كومەكتەسپەپتى. سالدارىنان ۋاقىت وتكەن سايىن راك ايەلدىڭ بۇكىل اعزاسىنا تامىرلاپ كەتىپ، ميىنا ءبىر- اق جەتكەن.

روچەستەر قالاسىنداعى مايو كلينيكاسىنىڭ دارىگەرلەرى ەرحولتسكە ەمدەۋدىڭ سۋ جاڭا ءتۇرىن سىناپ كورۋدى ۇسىنادى. ومىردەن ءۇمىتىن ۇزگەن ايەل بىردەن كەلىسكەن. مۇنان كەيىن دارىگەرلەر ناۋقاسقا قىزىلشانىڭ 10 ميلليون ادامعا جەتەتىندەي ۆيرۋسىن ەككەن كورىنەدى. اراعا بەس مينۋت سالىپ ەرحولتس باسىنىڭ وتە قاتتى اۋىرىپ جاتقانىن ايتىپ شاعىمدانعان. ەكى ساعاتتان كەيىن ول قالتىراپ، قۇسا باستاپتى. دەنە قىسىمى 40,5 گرادۋسقا كوتەرىلگەن. دەگەنمەن، اراعا ءۇش كۇن سالىپ، دارىگەرلەر ناۋقاستىڭ باسىنداعى ىسىكتىڭ كىشىرەيىپ قالعانىن بايقادى. اراعا بىرەر اپتا سالىپ ىسىك مۇلدەم اعزادان جوعالىپ كەتكەن.

ەرحولتستى ەمدەگەن دارىگەر ستيۆەن راسسەل رەسمي تۇردە قاتەرلى ىسىكتى جەڭگەنىن مالىمدەپ وتىر. ناۋقاستىڭ اعزاسىندا راك تامىرلارىمەن جويىلدى دەدى ول.

 الايدا، ءدال وسىنداي جولمەن ەمدەلگەن تاعى ءبىر ناۋقاسقا ەم قونعان جوق.

Baq.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى