جول اپاتى كەزىندە قارجى پوليتسياسى ءتوراعاسى ورىنباسارىنىڭ قىزى كولىكتە جولاۋشى رەتىندە وتىرعان

 «8-مامىردا بولعان جول-كولىك اپاتىنا قاتىستى. پريشاحتينسككە اپاراتىن 15-ماگيسترال اۆتوجولىندا 2 كولىكتىڭ سوقتىعىسۋىنان 2 ادام قازا تاپتى. «سۋبارۋ» كولىگىنىڭ جولاۋشىسى ءتۇرلى جاراقاتتارمەن وبلىستىق مەديتسينالىق ورتالىققا جەتكىزىلدى. قازىرگى ۋاقىتتا اتالعان فاكتى بويىنشا ق ر ق ك 296-بابىنىڭ 2-تارماعى بويىنشا قىلمىستىق ءىس قوزعالدى»،-دەدى وبلىستىق ءى ءى د تەرگەۋ باسقارماسىنىڭ باستىعى قانات ىسقاقوۆ.

ول «سۋبارۋ» جانە «نيۆا» اۆتوكولىكتەرىنىڭ جۇرگىزۋشىلەرى قازا تاپقانىن جەتكىزدى.

«قىلمىستىق ءىستى قاراعاندى قالالىق ءى ءى ب تەرگەۋدە. ءبىرقاتار سوت-مەديتسينالىق ساراپتاما جۇمىستارى بەكىتىلدى، اۆتوتەحنيكالىق ساراپتاما كەشەندى تۇردە جۇرگىزىلەتىن بولادى»،-دەپ قوستى ق. ىسقاقوۆ.

ونىڭ سوزىنە قاراعاندا، «سۋبارۋ» كولىگىنىڭ رولىندە كىم وتىرعانى كۋاگەرلەردىڭ ءسوزى بويىنشا انىقتالدى. «سۋبارى» كولىگىن جاس جىگىت جۇرگىزگەن. ول قازا تاپتى. بۇنى ايتقان ءبىراز كۋاگەر بار. ءبىز ولاردان بولعان وقيعا جايلى سۇراستىردىق. ايتقاندارى شىندىققا جاناسادى، قىز كولىكتە جولاۋشى بولىپ وتىرعان»،-دەدى تەرگەۋ باسقارماسىنىڭ باستىعى.

الايدا ول وقيعا ورنىندا تۇسىرىلگەن ۆيدەو بار ما دەگەن سۇراققا جاۋاپ بەرمەدى. «مەن بۇل تۋرالى سىزدەرگە ايتپايمىن. ول - تەرگەۋ امالدارىنىڭ قۇپياسى»،-دەدى ءى ءى د قىزمەتكەرى.

ول قىز العان جاراقاتىنىڭ قانداي دارەجەدە ەكەنىن دە ايتپادى.

«ۆرەميا» گازەتىندەگى «رۋليتە ي وبرياشەتە» ماتەريالىنا سىلتەمە جاساپ حابارلانعانداي، قاراعاندىدا ادام شىعىنىن اكەلگەن جول-كولىك اپاتى ورىن الدى. جەرگىلىكتى كۇزەت فيرماسىنىڭ قىزمەتتىك «نيۆاسىنا» سوعىلعان كولىكتە مەرۋەرت شاباقبايەۆا بولعان. ول - ق ر ەكونوميكالىق قىلمىس جانە سىبايلاس جەمقورلىققا قارسى كۇرەس اگەنتتىگى ءتوراعاسىنىڭ ورىنباسارى مارات شاباقبايەۆتىڭ قىزى. باسىلىم اتاپ وتكەندەي، 8-مامىرعا قاراعان تۇندە «الماتى-استانا» تاس جولىندا «نيۆا» جانە استانالىق نومەرى بار اق «سۋبارۋ» سوعىلعان. قازا تاپقان ەۆگەني توكماكوۆتىڭ تۋىستارى ءادىل تەرگەۋگە قول جەتكىزەمىز دەپ وتىر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى