قازاقستان بارىسى پالۋاندارىن م م ا ارالاس جەكپە- جەككە شاقىرۋدا

بۇل تۋرالى بۇگىن دجيۋ- دجيتسۋ فەدەراتسياسى مەن قازاقستاننىڭ م م ا پرەزيدەنتى اناتولي كيم ءمالىم ەتتى.

 «م م ا سپورتىندا قازاقستان قۇراماسى اۋىر سالماقتاعى سپورتشىلاردان تاپشىلىق كورىپ وتىر. ولاردىڭ سانى سونشالىقتى كوپ ەمەس. مەندە «قازاقستان بارىسى» جوباسىنان جىگىتتەر قىزىعۋشىلىق تانىتسا، م م ا سپورتىنا كەلۋگە شاقىرعان بولاتىنمىن. بۇل ءسوز جوق ءتىپتى وزگە فورمات، ەرەجەلەرى ءبىرشاما قاتال جانە جاتتىعۋ مانەرىندە دە ايىرما بار. ارالاس جەكپە- جەكتەن چەمپيون اتانۋعا بارلىق مۇمكىندىكتەرى بار باتىرلار بىزدە وتە كوپ. م م ا ارقىلى ولاردىڭ الدىنا بارلىق سپورت تۇرلەرى شىعادى. ءبىزدىڭ سپورتتا جەكپە- جەك سپورتىنىڭ بارلىق تۇرلەرى شوعىرلانعان، ونىڭ ىشىندە قازاقشا كۇرەس، بوكس جانە كيكبوكسينگ تە بار»، - دەپ اتاپ ءوتتى ول.

 «ارالاس جەكپە- جەك سپورتى وتە امبەباپ سپورت بولعاندىقتان، جۇرتشىلىق ونى قىزىعا قارايدى. ونى ءبىزدىڭ رەسمي جارىستارىمىزعا سامبو، قويان- قولتىق ۇرىس، بوكس پەن كيكبوكسينگ، تايبوكس، كۇرەس فەدەراتسيالارىنان جىگىتتەر قاتىسۋىنان كورۋگە بولادى. سوندىقتان م م ا ءبىزدىڭ پالۋاندارىمىزعا جول اشادى. مىقتى پالۋاندار قازاقستاندا جەتكىلىكتى, ادامي رەسۋرستار وتە جاقسى، سپورتتىق بازا بار، ءبىز وسىنداي چەمپيوندارىمىزعا بارلىق قاراجاتىمىزدى جۇمسايتىن بولامىز. بولاشاقتا فەدور ەمەليانەنكو سىندى الەمدىك دەڭگەيدەگى ۇلتتىق باتىرلار شىعادى دەپ ەسەپتەيمىز»، - دەدى ا. كيم.

ايتا كەتەيىك، مامىردىڭ 22-24 - كۇندەرى استانادا م م ا ارالاس جەكپە- جەكتەن ازيا چەمپيوناتى مەن م-1 challenge 48 «Battle of Nomads» كاسىبي تۋرنيرى وتكىزىلەدى. ازيا بىرىنشىلىگىنىڭ اقتىق سىنىن دۇنيەجۇزىلىك م م ا قاۋىمداستىعىنىڭ قۇرمەتتى پرەزيدەنتى فەدور ەمەليانەنكو تاماشالاۋعا كەلەدى دەپ كۇتىلۋدە.

جارىسقا قازاقستان، وڭتۇستىك كورەيا، وزبەكستان، تاجىكستان، قىرعىزستان، رەسەي، ازەربايجان، يران ەلدەرىنىڭ اپايتوس سپورتشىلارى قاتىسپاق.

اۆتور: جاسۇلان جولدىبايەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى